Mungesa e 800 metrave rrugë ka penalizuar banorët e tre fshatrave në Njësinë Administrative të Zejmenit në Lezhë. Rruga që lidh Zejmenin me superstradën Lezhë-Laç ka degraduar plotësisht, duke u bërë thuajse e pakalueshme kryesisht në kohë me shi. Banorët thonë se në këtë rrugë nuk është investuar prej 30 vitesh, ndërsa premtimet nuk kanë munguar në çdo fushatë elektorale.<br /><br />Ata paralajmërojnë bojkot të zgjedhjeve nëse nuk do të ketë ndërhyrje, pasi në këtë situatë lëvizja e tyre është mjaft e vështire. Sipas banorëve problemi i rrugës është ngritur disa herë por kurrë nuk është ndërhyrë.
