PA GJURME PJESA E PARE DT 4 QERSHOR 2 motra në përmbushje të një amaneti. U lind më 8 korrik 1985. Ai u regjistrua me emrin Enver Manaj. Enveri që sot është një 34 vjeçar, me shpresën se ai është gjallë 2 motrat e tij Hide dhe Agime kanë vendosur që të rrëfejnë këtë histori në studion e emisionit ??Pa gjurmë?? në kërkim të vëllait të tyre. Nënë Fatimja punonte edukatore në kopsht kurse baba Tahiri punonte në mirëmbajtjen e rrugëve, ndërsa të dy u martuan në vitin 1975. Ata ishin prindër të 5 fëmijëve, 4 vajzave dhe një djali. Enveri djali i vetëm dhe i fundit në familjen Manaj, me dëshirën e çiftit për të patur edhe një trashëgimtar në familje, fati i të cilit ngriti pikëpyetje të mëdha.<br /><br />Me dëshirën e madhe të çiftit, por me pamundësinë shëndetësoretë nënë Fatimes, e cila pas lindjes së vajzës së katërt kurohej me azotemi në veshka, mjeku ia ndalon rreptësisht lindjen e një fëmije të pestë.<br /><br />Pavarësisht kësaj, me këmbënguljen e bashkëshortit për të patur një djalë Fatimja mbetet shtatzënë.<br /><br />Gjendja shëndetësore e saj ishte e përkeqësuar dhe nga fshati Brekie ku jetojnë familja Manaj, dërgohet me urgjencë në spitalin e Kukësit, i cili nuk e merr përsipër rastin për shkak të situatës së rëndë shëndetësore të nënës, ndaj Fatimja përfundon në maternitetin e vjetër të Tiranës.<br /><br />Ky kalvar vështirësish përfundon me sukses kur nëna operohet dhe fëmija lind shtatanik, pa komplikacione.<br /><br />Vendosën ta quanin Enver. Nëna transferohet në spitalin Nënë Tereza, ndërsa foshnja mbahet në kujdesin e mjekëve në maternitet.<br /><br />Bashkëshortit Tahirit i kishte rënë barra për të qenë sa tek Fatimja dhe sa tek djali i porsalindur.<br /><br />Kur Enveri gëzonte shëndet të plotë, nga ana tjetër gjendja shëndetësore e nënës rëndohej çdo ditë e më shumë.<br /><br />Fatimja i kërkon të shoqit të marrë djalin. Kur Tahiri shkon në maternitet i pohojnë se foshnjën e kishin dërguar në Befotrofin e Tiranës.<br /><br />3 muaj qëndrimi në spital, Fatimja luftoi fort derisa shpresat u shuan dhe Fatimja mbylli sytë pa marrë kurrë në krah djalin që lindi, por edhe pa mësuar se çfarë ndodhi me fatin e tij.<br /><br />Babai ka mundur ta shohë djalin teksa rritej deri afro 3-4 muaj me radhë, kur në fund të nëntorit nëna ndërroi jetë, Tahiri u nis në Tiranë të marrë foshnjen që e kishte dëshiruar kaq shumë, në përmbushje edhe të amanetit që la Fatimja.<br /><br />Ishte 4 dhjetori i vitit 1985. Këtu nis një tjetër dhembje e madhe për Tahirin, një tjetër plagë e hapur për të. I thonë se fëmija vdiq, e detyrojnë të nënshkruajë një dokument ku firmoste se fëmija vdiq 24 orë pas lindjes, ndërsa djali në fakt ishte afro 4 muajsh.<br /><br />Vite më pas jetë të trishtuar për enigmën që la pas humbja e djalit dhe me brengë në zemër se Enveri është gjallë. Ai nuk e besoi kurrë se fëmija vdiq. Në vitin 2008 babai mbylli sytë përgjithmonë, dhe vajzave iu la të njëjtin amanet që la dhe nëna e tyre?<br /><br />Në kërkim të Enverit??!
