PJESA E DYTE E PA GJURME DT 4 QERSHOR Një tjetër grua denoncon dhunën nga bashkëshorti i saj. Një 32-vjeçare nga fshati Guri i zi Shkodër merr guximin ta bëjë publike historinë e saj. Një histori dashurie që lindi në vitin 2009. Zamira dhe Indriti i cili i përket komunitetit rom u martuan shumë shpejt, pas 3 muaj njohje. Gjërat nuk shkuan mirë që prej fillimit, Indriti ishte i papunë dhe jetonte vetëm duke mbledhur kanaçe si dhe ishte konsumues alkooli. Vështirësitë ekonomike në familjen Kudraleti nuk kishin të sosur. Ata jetonin në një shtëpi me qira, ndërsa Zamira e nisi jetën në çift mes dhunës që ushtronte bashkëshorti i saj, Indriti. Ky i fundit ushtronte dhunë sistematike jo vetëm ndaj bashkëshortes por edhe ndaj prindërve të tij, nënë Sabries dhe baba Demirin, këta të fundit e denoncuan disa herë djalin e tyre në polici. Një vit më pas, Zamira mbetet shtatzënë. Për shkak të dhunës nga i shoqi ajo nuk mundte dot të kishte shtatzëni normale, pas dështimeve të njëpasnjëshme, ajo më në fund në vitin 2011 sjell në jetë vajzën e saj të vetme. <br /><br />Vitet kalonin dhe jeta për Zamirën bëhej edhe më e vështirë, dhunë fizike dhe psikologjike, në gjendje të dehur ose jo Indriti vinte dorë mbi bashkëshorten sa herë ishte në familje.<br /><br />Zamira vendos t'i japë fund ditëve të zeza të saj, kur largohet nga shtëpia bashkë me vajzën dhe bën dokumentet për divorc.<br /><br />Në vitin 2017 ajo divorcohet ligjërisht nga Indriti, dhe gjykata vendos që vajza të jetojë më nënën përkundrejt detyrimit ushqimor që kishte babai.<br /><br />Sot kërcënimet vijojnë, presion nga bashkëshorti dhe familja e tij për t'ia marrë vajzën nënës, e cila arriti ta rimarrë të miturën më 22 prill të këtij viti. Duke thyer urdhrin e gjykatës, i ati ia mori vajzën nënës për afro një vit me radhë, derisa ajo bëri denoncimin. Një vit gjatë të cilit vajza bënte jetë kazaneve duke mbledhur kanaçe.
