Kryeministri Edi Rama këtë të mërkurë është gjendur në fshatin Floq, banorët e të cilit janë strehuar në çadrat e ngritura nga Emergjencat Civile pas lëkundjeve sizmike të ditëvve të fundit. <br /><br />Pasi është ndalur tek çadrat ku janë vendosur një pjesë e banorëve, kreu i qeverisë ka shkuar në ambientet e shkollës ku ndodhet pjesa tjetër e banorëve shtëpitë e të cilëve u dëmtuan nga tërmeti.<br /><br />më herët kryeministri Rama ka premtuar se të gjithë banorët do të dëmshpërblehen dhe shtëpitë e tyre do të rindërtohen pas përfundimit të vlerësimit të plotë të dëmeve të shkaktuara nga lëkundjet sizmike.<br /><br />Në fshatin Floq të bashkisë Korçë rezultojnë 65 banesa të shkatërruara, ndërsa 100 të tjera kanë pësuar dëmtime të lehta.<br /><br />Banorëve u janë shpërndarë ndihma ushqimore, ndërkohë që pranë tyre janë shërbimet mjekësore.
