Në Ditën Botërore të Mjedisit, ministri Klosi, i shoqëruar nga kryetari i bashkisë Vlorë dhe prefekti i qarkut, çelen sezonin turistik 2019 në Sazan-Karaburun.<br /><br />Ministri kërkoi nga bizneset që të investojnë më shumë në zhvillimin e turizmit duke shprehur bindje se numri i turistëve do jetë më i lartë krahasuar me një vit më parë<br /><br />?Mendoj se jemi në një sezon që ka nisur mirë dhe që padyshim do të realizojë shifrat e verës të vitit 2018. Nëse do të kishim shumë më tepër atmosferë për zhvillimin e turizmit, më shumë shoqëri të orientuar jo nga debate politike, por nga turizmi, padyshim që do të kishim me shumë rritje të numrit të turisteve.?<br /><br />Klosi tha se për shkak të situatës politike, në vend ka patur anulime të rezervimeve individuale.<br /><br />?Le të flasim për pozitivitet, le të flasim për një situatë, e cila nuk ndikohet nga debati politik dhe kjo falë përpjekjes së jashtëzakonshme që bën komuniteti i biznesit dhe unë e kam ndjerë shqetësimin e tyre, ka natyrisht anulime të ofertës dhe anulime të prenotimeve nëpër hotele, por fatmirësisht akoma janë anulime të turistëve individualë ndërsa kompanitë e grupuara vazhdojnë të sjellin turistë në Vlorë dhe në të gjithë Shqipërinë. Në qoftë se nuk do të kishim përplasjet politike sezoni do të arrinte në 7 milionë turistë në mënyrë të padiskutueshme.?<br /><br />Sipas Klosit shumë shpejt Shqipëria do të ketë një ligj të ri për ekonominë e detit, që do të hapë me shpejtësi detin për turizmin.<br /><br />Tv Klan
