Meritën për anulimin e datës së zgjedhjeve lokale, Lulzim Basha ia njohu qëndresës së shqiptarëve që sipas tij imponuan që në 30 Qershor të mos ketë një proces fars elektoral të diktuar nga krimi.<br /><br />Në protestën e 8 kombëtare të opozitës Basha solli në vëmendjen përgjimet e gazetës gjermane dhe tha se anulimi i 30 Qershorit është hapi i parë për largimin e Edi Ramës.<br /><br />Pas tubimit përpara kryeministrisë protestuesit iu drejtuan selisë së parlamentit, ku sërish u shënuan incidente, ndonëse në përmasa më të vogla së në tubimet e mëparshme.<br /><br />Pamjet e sulmit ndaj godinës së parlamentit dhe forcave të policisë bënë që presidenti Meta të reagojë duke u kërkuar udhëheqësve të opozitës që të ndalonin protestën dhe të shpërndanin paqësisht mbështetësit e irrituar.<br /><br />Më pas nga selia e PD-së, Basha tha se edhe këtë radhë dështoi skenari i dhunës që deshi të provokojë qeveria.<br /><br />Edhe pas mbylljes së tubimit u desh ndërhyrja e Sekretarit të Përgjithshëm të Partisë Demokratike për të tërhequr një grup protestuesish që vijonin të hidhnin lëndë plasëse para parlamentit.<br /><br />Tv Klan
