Spinaq me qumësht dhe vezë<br /><br />Përbërësit:<br /><br />1.2 kg spinaq<br /><br />2 kokrra qepë<br /><br />2 lgj vaj ulliri<br /><br />4 kokrra vezë<br /><br />1 ½ gotë qumësht<br /><br />1 ½ lgj miell<br /><br />2 lgj gjalp<br /><br />3 lgj kaçkavall i grirë<br /><br />kripë+ piper i zi<br /><br />arrëmoskat<br /><br />2 lgj peksimadhe<br /><br />Përgatitja:<br /><br />Lajmë spinaqin dhe e kalojmë në ujë të vluar me kripë për 2 minuta. Më pas e kalojmë në ujë të ftohtë me akull, e shtrydhim mirë dhe e presim vrazhdë.<br /><br />Ndërkohë në një tigan me vaj kaurdisim qepët të prera në kubikë derisa ato të zbuten ( i ndihmojmë duke i hedhur pak ujë herë pas here me qëllim që qepa të mos ngjyroset). Shtojmë spinaqin e më pas kripë, piper të zi, arrë moskat, koper dhe spinaqin dhe e lemë në zjarr derisa ai të ulë volumin.<br /><br />Lyejmë tavën me gjalpë, e pudrosim atë me peksimadhe, vendosim spinaqin dhe e nivelojmë mirë.<br /><br />Rrahim 4 kokrra vezë me qumësht dhe pak miell, i përziejmë mirë derisa të formohet një masë homogjene. Shtojmë dhe pak kripë dhe arrë moskat dhe e vendosim kremin mbi spinaq duke vendosur pak gjalpë mbi të dhe duke e pudrosur me djath kaçkavall të grirë. E vendosim tavën në furrë në temperaturën 180 gradë Celsius për 15 minuta derisa të mpikset dhe të marrë një ngjyrë të verdhë.
