Saimir Vishaj, kreu i Shoqatës së Avokatëve Penalistë thotë se Presidenti nuk mundet të shfuqizojë dekretin e tij, dhe se këtë mund ta bëjë vetëm Gjykata Kushtetuese.<br /><br />"Kjo nuk është e shkruar në asnjë dispozitë të kushtetutës, ku janë kompetencat e presidentit. Presidenti mund të shfuqizojë ligje, por jo të shfuqizojë dekretin e tij. Dekretin e tij e shfuqizon vetëm Gjykata Kushtetuese", tha Vishaj.<br /><br />Në një intervistë për gazetarin e Report Tv, Arsen Rusta, avokati i njohur thotë se dekreti për anulimin e zgjedhjeve nuk mund të kalojë në Kolegjin Zgjedhor, pasi sipas tij, vetë ky institucion është i papajtueshëm me ligjin.<br /><br />Kjo është një situatë, ku sipas tij, nuk mund të ketë ndërhyrje juridike. E gjitha është në dorë të politikës.<br /><br />"Palët duhet të ulen në tavolinë. Nuk ka ndërhyrje juridike për sa kohë nuk kemi një pushtet gjyqësor", tha Vishaj gjatë intervistës.<br /><br />Sipas tij, shkarkimi i Presidentit nuk është zgjidhja e duhur në këtë moment krize politike.
