Presidenti Ilir Meta paraqititi në një konferencë për shtyp arsyet që e detyruan atë të çdekretojë datën e zgjedhjeve dhe renditi disa argumente për të treguar se ai është mbështetur në Kushtetutë në marrjen e këtij vendimi.<br />E bëri të qartë që në fillim se nuk mund të zhvillohen zgjedhje nëse ai nuk cakton një datë tjetër për mbajtjen e tyre.<br /><br />"Presidenti cakton datën e zgjedhjeve për Kuvendin, për organet e pushtetit vendor dhe për zhvillimin e referendumeve?.Sipas Kushtetutës, pa patur një datë të caktuar nga Presidenti i Republikës, zgjedhjet e përgjithshme apo zgjedhjet për organet e qeverisjes vendore, nuk mund të zhvillohen".<br /><br />Ilir Meta thotë se si garant i Kushtetutës është përgjegjës për të ndalur që vendi të shkojë në një përplasje civile ndaj u detyrua të shkojë drejt kësaj vendimarrje.<br /><br />"Në këtë mënyrë, nësedita e zgjedhjeve do të shndërrohet në një betejë force midis mbështetësve të mazhorancës dhe opozitës, apo në një betejë midis qytetarëve dhe organeve ligjzbatuese, atëherë zgjedhjet do të humbisnin vlerën e tyre në një shoqëri demokratike, dhe nga një mjet tënjë shoqërie demokratike, do të ktheheshin një mjet rreziku për bashkëjetesën demokratike dhe unitetin e popullit.<br /><br />Ky rrezik duhet të parandalohet me mjete kushtetuese, ku pa dyshim përfshihet dhe anulimi i datës së zgjedhjeve nga organi që ka kompetencë dhe detyrë kushtetuese, nga njëra anë të mbrojë unitetin e popullit (neni 86 i Kushtetutës), dhe nga ana tjetër të caktojë datën e zgjedhjeve (neni 92/gj i Kushtetutës).<br /><br />Në vlerësim të situatës që po kalon vendi dhe gjuhës së urrejtes që po përdorin palët politike, si President i Republikës evidentoj se,ekziston rreziku qëShqipëria të shkojë drejt përshkallëzimit të paparashikueshëm tëtensionit social, që mund të shkaktojnë pasoja të pakontrollueshme".<br /><br />Zgjedhjet pa opozitën, thotë Presidenti, do të ishin monopartiake, çka sipas tij bie ndesh jo vetëm me Kushtetutën, por edhe me marrëveshjen e stabilizim-asociimit.<br /><br />Për të treguar rëndësinë e pjesëmarrjes së opozitës, ai foli me shifra.<br /><br />"Në Qershor të viti 2015, këto forca politikeqë përbëjnë sot bllokun opozitar, kanë siguruar rreth 48,6 % të votave, ndërkohë që partia socialiste në këtë proces zgjedhor me aleatët e saj që i ka edhe sot pjesë të aleancës së saj politike ka siguruar në total rreth 43 % votave si subjekt politik.Referuar këtyre të dhënave, zhvillimi i zgjedhjeve për organet e qeverisjes vendore në 30 qershor 2019, pa pjesëmarrjen e opozitës, e cila përfaqëson së paku gjysmën e elektoratit shqiptarë, cenon edhe disa parime kushtetuese që gëzojnë mbrojtje të posaçme kushtetuese".<br /><br />Thotë se palët injoruan thirrjet e tij për dialog, ndërsa akuzon mazhorancën se po kap institucionet.<br /><br />"Për fat të keq të dy palët qendruan në pozitat e tyre ekstreme. Mazhoranca vijon të tentojë kapjen totale të institucioneve, ndërsa opozita deligjitimimin e plotë të tyre". <br /><br />Presidenti Meta iu referua gjithashtu disa rasteve të tjera, ku paraardhësit e tij kanë shtyrë datën e ...
