Katër anëtarët e mazhorancës në Komisionin Qëndror të Zgjedhjeve kanë refuzuar të zbatojnë dekretin e Presidentit Ilir Meta, që anulon mbajtje e zgjedhjeve lokale në 30 Qershor dhe detyron këtë institucion të njoftojë për këtë akt të gjitha subjektet zgjedhore.<br /><br />Që në nisje të mbledhjes kryetari i KQZ e cilësoi sfidë ndaj dekretit mbledhjen e kërkuar nga dy përfaqësueist e shumicës në KQZ, duke i kërkuar kolegëve të tij t?i binden dekretit.<br /><br />Klement Zguri: KQZ duhet t'i bindet një dekreti të tillë. Unë nuk jam Gjykatë Kushtetuese që të çmoj është apo jo i ligjshëm dekreti i Presidentit, por për mua dekreti i Presidentit është detyrues dhe duhet të respektoj vullnetin e tij. Kjo është sfidë që KQZ i bën dekretit të Presidentit.<br /><br />Pas këtij argumenti, kreu i KQZ u largua nga mbledhja. Drejtimin e komisionit e mori nenkryetari Denar Biba. Ai dhe 3 anëtarët e mbetur e cilësuan nul dekretin e kreut të shtetit.<br /><br />Denar Biba: Akt administrativ absolutisht i pavlefshëm kur vjen në kundërshtim të hapur me një dispozitë urdhëruese të këtij kodi. Bie ndesh me parimin e ligjshmërisë të parashikuar nga neni 4. Duhet të vijojnë zgjedhjet. Ne kemi detyrimin të vazhdojmë punën për të çuar shqiptarët që të shkojnë dhe të votojnë për të zgjedhurit lokalë.<br /><br />Pas këtij refuzimi, përfaqësuesit e mazhorancës kanë vijuar me vendimet që kanë të bëjnë me zhvillimin e zgjedhjeve më 30 Qershor, mes të cilave edhe shpërndarja e fondeve për partitë politike.<br /><br />Tv Klan
