Prej më shumë se 3 muajsh, opozita nisi protestat e saj para godinës së Kryeministrisë e Parlamentit, ku thuajse çdo tubim u karakterizua nga aktet e dhunshme.<br /><br />Që nga tubimi i tyre i parë që startoi më 16 Shkurt, e deri më tani, si pasojë e përdorimit të akteve të dhunshme, bombave molotov dhe mjeteve piroteknike, janë lënduar qindra persona.<br /><br />Mes të lënduarve ka edhe një numër të madh efektivësh të policisë. Report TV mëson se deri më tani, janë 8 protesta kombëtare, kanë mbetur të plagosur në total 50 efektivë policie.<br /><br />Si më masivet, duke nisur nga dëmet e shkaktuara në institucione ishte tubimi i 16 Shkurtit dhe ai i 2 Qershorit, ku vetëm në këtë të fundit u prangosën gjithsej 42 persona.<br /><br />Statistikat e policisë tregojnë se në komisariate janë shoqëruar mbi 200 persona, nga të cilët janë vënë në pranga 162 protestues, e ndërsa 144 të tjerë janë proceduar në gjendje të lirë, mes të cilëve edhe sekretari i përgjithshëm i Partisë Demokratike, Gazmend Bardhi.<br /><br />Aktualisht, në qeli me vendim gjykate janë 26 protestues, në mesin e të cilëve edhe ish kreu i policisë Bashkiake në kohën e PD-së, Florenc Hoxha. (pamje 19 Shkurt)<br /><br />BILANCI NE 8 PROTESTA<br /><br />Mbi 200 protestues të shoqëruar<br /><br />162 protestues të arrestuar<br /><br />144 protestues të proceduar në liri
