Gazetari i Report tv Arsen Rusta raporton se ministri i Brendshëm Sandër Lleshaj dhe drejtori i Përgjithshëm i Policisë së Shtetit Ardi Veliu kanë mbërritur mëngjesin e sotëm në kryeministri.<br /><br />Ndërkohë që mësohet se ata mund të jenë duke zhvilluar një takim me kryeministrin Edi Rama lidhur me masat që do të merren për të garantuar sigurinë dhe mbaravajtjen e procesit elektoral dhe zgjedhor për zgjedhjet e 30 qershorit.<br /><br />Takimi i tyre vjen pas zhvillimeve të fundit politike, në një kohë kur presidenti Ilir Meta ka anuluar dekretin për zgjedhjet e 30 qershorit, ndërkohë që vetë socialistët shprehen të vendosur se data e zgjedhjeve nuk ndryshon.<br /><br />Nga ana tjetër vendosi dje në mbledhjen e Këshillit Kombëtar, kriijimin e një strategjie për parandalimin e zhvillimit të zgjedhjeve por edhe të fushatës elektorale.<br /><br />Gazetarja e Report tv Esiona Konomi raporton se kryeministri Edi Rama do të vijë ditën e sotme fushatën elektorale në Lushnje dhe Divjake ku do të prezantojë edhe kandidatët për zgjedhjet lokale.<br /><br />Ndërsa ditën e djeshme kryeminsistri Edi Rama zhvilloi dje takime në Bruksel me zyrtarë të lartë. Presidenti i KE-së Jean-Claude Juncker delaroi se zgjedhjet janë vendosur të bëhen më 30 qershor dhe qytetarët nuk duhet të pengohen për të ushtruar të drejtën e tyre.
