Marrëveshja Kosovë-Serbi pritet të përmbyllet brenda këtij viti. Është ky parashikimi i gazetës serbe Blic, që citon disa burime diplomatike.<br /><br />Sipas të përditshmes në Beograd, pikënisja e ujdisë historike mes dy vendeve mund të jetë pikërisht Samiti Ballkanit Perëndimor i 1 Korrikut në Paris, i thirrur nga presidenti Emmanuel Macron dhe kancelarja Angela Merkel.<br /><br />Takimi në kryeqytetin francez mund të jetë rasti më i mirë për të hartuar një kornizë, që do të shërbejë si një shtysë për zgjidhjen përfundimtare.<br /><br />Sipas Blic, palëve në këtë mënyrë do t?u jepej kohë disa muaj, për të negociuar, ndryshuar apo shtuar ndonjë pikë të dokumentit të dalë nga Samiti i Parisit, për t?ia paraqitur më pas qytetarëve në referendum.<br /><br />Nëse një skenar i tillë do të realizohej, referendumi në Serbi do të mund të mbahej në pranverën e vitit 2020, bashkë me zgjedhjet e parlamentare serbe.<br /><br />Megjithatë sipas të përditshmes serbe, plani i Francës dhe Gjermanisë për të hartuar një dokument të përbashkët mund të dështojë. Kjo pasi vetë Samiti i Parisit mund edhe të anulohet për shkak të krisjes së marrëdhënies Macron-Merkel, rreth kandidatit për president të Komisionit Europian.<br /><br />Tv Klan
