Një qendër shëndetësore në Poliçan do t'i nënshtrohet rehabilitimit dhe do të rikonstruktohet me vlerën e 24.5 milionë lekëve. Kështu ka bërë të ditur, Ministrja e Shëndetësisë dhe Mbrojtjes Sociale, Ogerta Manastirliu ditën e sotme gjatë inspektimit në qendrën shëndetësore të Poliçanit.<br /><br />Sipas saj, kjo qendër ofron shërbim 24 orë për 6,800 banorët e bashkisë.<br /><br /> ?Jam e kënaqur që kjo qendër shëndetësore së bashku me Njësinë e Urgjencës 24 orëshe do t?I nënshtrohen rehabilitimit të plotë, si pjese e programit kombëtar të rindërtimit të 300 qëndrave shëndetësore?, tha Manastirliu.<br /><br />Duke theksuar rëndësinë e investimit në qendrat e kujdesit parësor, Manastirliu u shpreh se brenda verës, nis rehabilitimi i 100 qendrave shëndetësore nga veriu në jug të vendit.<br /><br />?Pas përfundimit të rehabilitimit me standardin më të lartë të 80 qendrave shëndetësore në të gjithë vendin, jemi gati për fazën e dytë të rehabilitimit të 100 qendrave të tjera, si pjesë e programit kombëtar të rehabilitimit të 300 qendrave shëndetësore dhe ambulancave në të gjithë vendin?, deklaroi Manastirliu.<br />Ministrja e Shëndetësisë shoqërohej nga kryebashkiaku i Poliçanit, Adriatik Zotkaj, i cili u shpreh se ky është investimi më i rëndësishëm për banorët e kësaj zone, që do të marrin shërbim në kushte dinjitoze.<br /><br />Godina 2 katëshe në qendër të Poliçanit, ku marrin shërbim shëndetësor rreth 6,800 banorë do t?i nënshtrohet rehabilitimit të plotë gjatë muajve të verës.<br />Gjithashtu kjo qendër, ku ofrojnë shërbim shëndetësor 25 mjekë dhe infermierë do të ketë edhe pajisje të reja mjekësore, për t?u kthyer në një qendër model shërbimi shëndetësor.<br /><br />Ndërkaq, në vitin 2018, në qarkun e Beratit janë rehabilituar gjashtë qendra shëndetësore dhe ambulanca, ndërsa këtë vit, me programin e 300 qendrave shëndetësore, pritet të rehabilitohen edhe katër qendra të tjera shëndetësore, më konkretisht qendra shëndetësore 24 orëshe në Poliçan, ambulanca e fshatit Dardhë në Berat, qendra shëndetësore Kozarë dhe ambulanca ?1 Maji? në Urën Vajgurore.
