Përplasja mes Kryeministrit Edi Rama dhe Presidentit Ilir Meta pas shfuqizimit nga ana e kreut të shtetit të dekretit për zgjedhjet e 30 Qershorit, ka rikthyer edhe një herë në vëmendje marrëdhënien e trazuar ndër vite mes dy krerëve të vendit. <br /><br />Gazetari Blendi Fevziu renditi në ?Opinion?, në Tv Klan, mbrëmjen e së enjtes një kronologji të marrëdhënies së tyre, duke nisur nga njohja në vitin e largët 1988.<br /><br />?Cili ka qenë raporti mes Edi Ramës dhe Ilir Metës ndër vite? Një raport shumë i çuditshëm, ndoshta ndër më të pabesueshmit në politikën shqiptare dhe njëkohësisht një nga më të çuditshmit ndoshta në të gjithë politikën Europiane.<br /><br />Ilir Meta dhe Edi Rama janë prezantuar sëbashku në palestrat e forcës të klubit Dinamo në vitin 1988, njëri basketbollist i Dinamos, tjetri peshëngritës.<br /><br />Në vitin 1998 Ilir Meta dhe Edi Rama hynë të dy në qeveri Nano 3 me poste të ndryshme ministrore. Edi Rama Ministër i Kulturës, Ilir Meta, Sekretar Shteti për Çështjet e Jashtme.<br /><br />Në vitin 1999 Ilir Meta si Kryeministër riemëron Ramën në postin e Ministrit të Kulturës.<br /><br />Në vitin 2000 Ilir Meta si Kryeministër mbështet Edi Ramën si kandidat për kryetar të Bashkisë së Tiranës.<br /><br />Në vitin 2004 Ilir Meta u largua nga PS dhe krijoi LSI-në. Edi Rama e mbështet veprimin e tij, edhe pse në distancë.<br /><br />Në vitin 2005 Ilir Meta konkurron kundër PS duke i shkaktuar humbje në zgjedhje.<br /><br />Në vitin 2006 Ilir Meta dhe LSI i bashkohet Edi Ramës që sapo ishte zgjedhur kryetar i PS në koalicion. Në vitin 2007 konkurrojnë sëbashku në zgjedhje lokale duke fituar qytetet kryesore.<br /><br />Në vitin 2008 Edi Rama bën një marrëveshje me Sali Berishën dhe e braktis Metën në ndryshimet kushtetuese. Ata garojnë të ndarë në zgjedhje në vitin 2009 duke i shkaktuar humbje PS.<br /><br />Në vitin 2009 Ilir Meta bashkon votat me Sali Berishën duke qeverisur vendin deri në vitin 2013.<br /><br />Në vitin 2011 Edi Rama kërkon arrestimin e Ilir Metës pas filmimeve të Dritan Priftit dhe ngjarjeve të 21 Janarit.<br /><br />Në vitin 2013 Ilir Meta dhe Edi Rama (këtu kam harruar Lorenc vitin 2012, një darkë me ngjala në Gjirin e Lalëzit) bëjnë koalicion, konkurrojnë bashkë në zgjedhje duke fituar ndaj ish-Kryeministri Sali Berisha.<br /><br />Në vitin 2017 Edi Rama e zgjedh President Ilir Metën me votat e PS dhe LSI.<br /><br />Në vitin 2017 Edi Rama dhe Ilir Meta konfliktohen në fushatën zgjedhore dhe konkurrojnë të ndarë.<br /><br />Në vitin 2019 Edi Rama kërkon shkarkimin e Ilir Metës.<br /><br />Dashuri dhe urrejtje në nivele nga më të çuditshmet, ndoshta të panjohur edhe për politikën evropiane ai mes Ramës dhe Metës?, tha Fevziu. /tvklan.al
