Rreth 150 Punonjës së Uzinës së Armëve në Poliçan janë ngritur sërish në protestë këtë të premte, pasi prej dy vitesh nuk marrin rrogën.<br /><br />Punëtorët që punojnë prej vitesh në sektorët më të vështirë të Uzinës së Armëve,duke filluar nga prodhimi i fishekëve deri tek montim-çmontimi i predhave luftarake, shprehen se kjo gjendje ju ka vështirësuar jetën dhe i ka rrënuar ekonomikisht.<br /><br />Kryetari i Sindikatës së punëtorëve të Uzinës së Armëve në Poliçan,Abedin Çela, i bën apel Ministrisë së Mbrojtjes të gjejë një zgjidhje të menjëhershme për pagesat e punëtorëve të Uzinës.<br /><br />Nëse nuk merren masa punonjësit paralajmërojnë se do t'i drejtohen për zgjidhje Gjykatës së Krimeve të Rënda dhe Ambasadës Amerikane.
