Kriza politike në Shqipëri është një luftë për pushtet. Është ky mendimi i raportuesit për Shqipërinë në parlamentin gjerman, Manuel Sarrazin, nga të Gjelbrit i cili thotë se qëndrimi i opozitës për djegien e mandateve dhe bojktotimin e zgjedhjeve është në disfavor të vendit.<br /><br />?Unë nuk besoj se akuzat e opozitës e justifikojnë bojkotimin e parlamentit dhe mospjesëmarrjen në zgjedhje. Përshtypja ime është se aty po zhvillohet një luftë e fortë për pushtet mes Ramës dhe Bashës dhe kjo luftë në këtë gjendje nuk është e aspak e favorshme për vendimin qe duhet te marrin deputetët ne Bundestag?.<br /><br />Përgjimet e publikuara nga tabloidi Bild, Sarrazin i cilëson të njëanshme dhe të publikuara enkas në një moment delikat siç është ai përpara vendimit për negociatat.<br /><br />?Raporti në gazetën "Bild" nuk të jep përshtypjen se është marrë si duhet me verifikimin e të dhënave. Gjithashtu unë u çudita shumë se përse pikërisht në këtë moment kur do të merren vendimet në qeverinë federale dhe në parlamentin gjerman, gazeta "Bild" shkon e boton këtë raportim kaq të njëanshëm. Dhe kjo të lë përshtypjen se ka patur një funksion politik?.<br /><br />Sarrazin zbardh edhe qëndrimin e kancelares për shtyrjen e vendit të negociatave në vjeshtë, duke e vënë theksin tek përçarja brenda vetë koalicionit të madh qeverisës në Gjermani, ku CDU kërkon shtyrjen ndërsa socialdemokratët dhënien e dritës jeshile.<br /><br />?Ajo thjesht e tha këtë duke informuar për planin kohor dhe tha se beson se votimi do të bëhet në shtator/tetor, sepse ekziston ende nevojë koordinimi brenda grupit të saj parlamentar. Por ajo vetë nuk u shpreh as pozitivisht e as negativisht dhe nuk tha se cili do të jetë rezultati i këtij procesi votimi?.<br /><br />Raportuesit për Shqipërinë sqaron se rastet e shitblerjes së votës duhen nxjerrë në dritë, por i cilëson ato si një fenomen jo vetëm shqiptar.
