Gjykata e Elbasanit la në burg Florenc Çapjen, 38-vjeçarin nga Elbasani të arrestuar tre ditë më parë në mega-operacionin "Krasta" që çoi në pranga 10 persona. Çapja akuzohet për tentativën e vrasjes së ish-shefit të policisë rrugore, Fadil Mema, 13 vite më parë, janar 2006. Ndërsa hetimet vijojnë për të mësuar nëse ai ka dorë në vrasjen e Memës në vitin 2015 në Itali.<br /><br />Gjithashtu, sot, gjyqtarja Miranda Çekrezi dha në mungesë masën e sigurisë "arrest me burg" për dy personat e akuzuar si autorë të vrasjes në vitin 2012, të Gentian Beqirit dhe babait të tij.<br /><br />Ervis Bardhi 38 vjeç, lindur në Kavajë dhe banues në Elbasan dhe Etien Çani. 28 vjeç, lindur dhe banues në Elbasan, vijojnë të jenë në kërkim policor, ndërsa përfshirja e tyre si autorë të vrasjes së dyfishtë u zbulua nga hetimet 1 -vjeçare.<br /><br />Seanca u mbajt me dyer të mbyllura. Avokat i Florenc Çapajt është Neshat Thana, ndërsa prokuror Ritvan Suka.<br /><br />Nga përgjimet e kryera që zbardhën disa ngjarje kriminale në qytetin e Elbasanit, u zbulua edhe një skemë korrupsioni në Autoritetin e Medias Audiovizive në Tiranë.<br /><br />Dje, Gjykata e Elbasanit me gjyqtare Idush Maliqi, vendosi masën e sgurisë 'arrest shtëpie' për gazetaren Suela Mustën, anëtare e AMA-s dhe Adem Boriçin, pronari i i televizionit privat kabllor "Brado" të cilët akuzohen se kanë ndikuar në dhënien e licencës së transmetimit kabllor të fisit Çapja si dhe në disa persona të tjerë në Tropojë. <br /><br />Ndërkohë Bledar Karaj administrator i tv kabllor, Andrea Nathanaili ish-këshilltar juridik në AMA, Izmir Hajdari, Artan Drazhi dhe Ervin Tahiri Pronar i TV kabllor ?Tata Junior? në Tropojë, janë lënë në burg. <br /><br />Seanca u zhvillua nën masa të forta sigurie.
