Me dhjetëra banorë të fshatit Cerkovinë në Vlorë kanë protestuar këtë të hënë para ambienteve të bashkisë së Vlorës. Shkak i protestës është bërë mungesa e ujit të pijshëm dhe infrastrukturës rrugore. Sipas banorëve, prej 30 vitesh në fshatin e tyre nuk është kryer asnjë investim për këto baza jetike për ta.<br /><br />"Sa herë kemi zgjedhje na vinë as që diskutohet na thonë do jua bëjmë edhe rrugën edhe ujin. Nuk ka furnizim tubat janë të çara. Taksat i paguajmë një për një. Gjithmonë llafe bosh. Në jemi pjesë e një komuniteti larg vetëm 10 km nga qyteti i Vlorës dhe këto dy probleme na kanë shqetësuar gjatë gjithë kohës dhe po vijojnë të na shqetësojnë", shprehet një nga banorët.<br /><br />Banorët ndër të tjera shprehen se nëse nuk merren masa do të përshkallëzojnë protestat e tyre deri në bllokimin të rrugës si edhe do të bojkotojnë zgjedhjet e 30 qershorit.<br /><br />"30 vjet tubacioni është i çarë nuk kemi as ujë as rrugë është problem. Kutia e votimit mos të vije në fshat nëse ky problem nuk zgjidhet", shprehet një tjetër. <br /><br />Ndërkohë problemet me infrastrukturën rrugore ngritën në protestë një javë më parë edhe banorët e fshatit "Tre vëllazër" , por problematika mori zgjidhje të menjëhershme nga ana e Bashkisë.
