Kjo ishte situata gjatë paradites në Tropojë, ku punonjës të Policisë Bashkiake të mbështetur nga qytetarë të shumtë kërkonin lirimin e ambienteve të KZAZ-së.<br /><br />Prania e forcave të policisë nuk i pengoi që të hyjnë me forcë në pallatin e sportit "Bajram Curri" për të hequr materialet zgjedhore. Debate ta ashpra pati edhe mes zyrtarëve lokalë dhe drejtuesve të policisë. Nga thyerja e xhamave mësohet se ka mbetur një polic i lënduar lehtë, ndërkohë që janë arrestuar 4 persona.<br /><br />E tensionuar ka qenë edhe në Shkodër situata. Pas përplasjes së një dite më parë, konfrontime janë shënuar sërish në KZAZ-në numër 2 mes Policisë së Shtetit dhe asaj Bashkiake.<br /><br />Punonjës së bashkisë së këtij qyteti dhe efektivë blu janë përplasur verbalisht për disa minuta, pasi këta të fundit kanë tentuar të hyjnë në pallatin e Sportit, i përcaktuar nga KQZ-ja si ambient për vendosjen e bazës materiale në KZAZ-në Nr 2.<br /><br />Në një dalje për mediat, Kryebashkiakja e Shkodrës, Voltana Ademi tha se vendimi për lirimin e ambienteve është në zbatim të shfuqizimit të dekretit të Presidentit për zgjedhjet lokale të 30 Qershorit.<br /><br />Sakaq, edhe Bashkia Lezhë, përmes një shkrese drejtuar KQZ-së në zbatim të dekretit të Presidentit Meta për anulimin e zgjedhjeve në 30 Qershor ka kërkuar nga KZAZ-ja lirimin e ambienteve të shkollës ?Besëlidhja?, deri në orën 16:00 të pasdites.<br /><br />Komisioni Qendror i Zgjedhjeve reagoi duke thënë se dekreti i Presidentit është nul dhe kushdo që pengon funksionimin e KZAZ-ve do mbajë përgjegjësi.<br /><br />Tv Klan
