Audio-përgjimet e publikuara nga gazeta ?Bild? për zgjedhjet në Dibër e Durrës, sipas Partisë Demokratike tregojnë se Kryeministri Rama, qeveria dhe Partia Socialiste kanë vepruar si një grup i strukturuar kriminal për të marrë dhe mbajtur pushtetin në mënyrë të paligjshme.<br /><br />"Durrësi dhe Dibra janë dy krime të rënda elektorale, që vërtetojnë se Edi Rama di vetëm të vjedhë, të kërcënojë, të shantazhojë e të blejë vota, duke përdorur krimin, policinë dhe administratën. Përgjimet faktojnë se vjedhja e zgjedhjeve, në bashkëpunim me krimin, është një skemë e ngritur nga Edi Rama dhe e zbatuar nga bashkëpunëtorët e tij", thotë Gazment Bardhi.<br /><br />Të gjithë zyrtarët e lartë të Partisë Socialiste të përfshirë në audio-përgjime, sipas demokratëve kanë konsumuar vepra penale, mes të cilëve edhe Kryeministri Rama në bisedën me Arben Keshin.<br /><br />"Është shkelje e Kodit Penal. Neni 328/a parashikon ndalimin e përdorimit të një punonjësi që kryen një detyrë sheterorë qe e përdor, është Kryeministri i vendit, funksionari më i lartë që përdor burime njerëzore me qëllim favorizimin e partisë së tij në zgjedhje. Kjo vepër dënohet me burg nga 1 në 3 vjet", shprehet Enkelejd Alibeaj.<br /><br />Sipas PD-së, prapa hekurave do të duhet të ishte edhe Pjerin Ndreu i cili në audio-përgjim i kërkon drejtorit të shkollës Reshat Elezi të deklarojë hapur votën.<br /><br />"Ta gjykojë vetë Prokuroria se me cilin paragraf duhet të hyjë në burg se ai e ka provuar bisedën", thotë Çlirim Gjata.<br /><br />Demokratët thonë se nëse Kryeministri nuk do të kishte kapur prokurori e gjykata, të gjithë zyrtarët e lartë të PS do të ishin dënuar me rreth 30 vite burg.<br /><br />Tv Klan
