Kjo ka qenë situata gjatë paradites në Burrel, ku qytetarët u përplasën me policinë për lirimin e KZAZ-së. Përshkallëzimi i tensionit bëri që në ndihmë të forcave të rendit të vinin forcat RENEA. Nga përplasja raportohet për disa të plagosur. Gjatë paradites incidente raportohet të ketë patur edhe në Kamzë.<br /><br />Ultimatum për të liruar ambientet e KZAZ-së 42, që ndodhet në palestrën e shkollës 9-vjeçare "3 Dëshmorët" në Kavajë i kanë vendosur policisë, zyrtarë vendorë dhe mbështetës të Partisë Demokratike. <br /><br />Ata u grumbulluan gjatë paradites në sheshin para KZAZ-së ku ishin të stacionuara forca policore në ruajtje të materialeve zgjedhore.<br /><br />Debati i zyrtarëve lokalë me drejtuesit e policisë ka qenë verbal dhe pas paralajmërimit se do të mblidhen në orën 16:00 të pasdites, mbështetësit e Partisë Demokratike janë tërhequr.<br /><br />Mbrëmjen e kaluar, e tensionuar ka qenë situata edhe në Shkodër, ku punonjës të bashkisë të mbështetur nga protestues të opozitës, i vunë vënë flakën KZAZ numër 3, e cila ndodhet në ambientet e shkollës së mesme "Shejnaze Juka".<br /><br />Sot policia njoftoi arrestimin e 7 personave për incidentet e të martës në Bashkinë e Tropojës, ku u hap me forcë KZAZ e vendosur në Muzeun Historik dhe u shkatërruan materialet zgjedhore. Ata akuzohen për shkatërrim të pronës, dëmtim me dashje të materialeve zgjedhore dhe kundërshtim të policisë. 5 arrestime pati edhe për ngjarjet në Shkodër.<br /><br />Tv Klan
