Në ta parën mbledhje të Komisionit të Ligjeve për shqyrtimin e kërkesës së 55 deputetëve për shkarkimin e kreut të shtetit, shumica ka hedhur poshtë kërkesën e deputetit Ralf Gjoni për ta shtyrë pas 30 Qershorit vijimin e kësaj procedure.<br /><br />Taulant Balla ripërsëriti të gjithë argumentet përse sipas socialistëve, Ilir Meta nuk duhet të rrijë më në zyrën e Presidentit, në të cilën u vendos me votat e tyre. Veç përgjegjësive ligjore, ai thotë se me dekretin e shfuqizimit të datës së zgjedhjeve, Meta nëse KQZ do ta zbatonte do të shkaktonte dhe dëme financiare për të cilat ligji parashikon dhe përgjegjësi penale.<br /><br />Balla thotë se Meta ndryshe nga sa e parashikon Kushtetuta ka treguar se nuk është më mbi palët, por me palët. Relatorët që do të hartojnë raportin drejtuar Kuvendit u vendosen të jetë Adnor Shameti dhe Klotilda Bushka.<br /><br />Tv Klan
