Tensione dhe përplasje të dhunshme ka patur në shumicën e Bashkive që drejtohen nga opozita. Punonjësit e bashkive dhe protestues nuk kanë lejuar shpërndarjen e materialeve zgjedhore në 14 Komisone Zonale të Administrimit të Zgjedhjeve. Situatë e rënduar është paraqitur mbrëmjen e së mërkurës në Kavajë, ku si pasojë e përplasjes me policinë disa protestues kanë mbetur të plagosur.<br /><br />Fillimisht protestuesit kanë tentuar të shpërthejnë derën e KZAZ-së numër 42 që ndodhet në palestrën e Shkollës 9-vjeçare "3 Dëshmorët", ndërsa policia i është përgjigjur me hedhje gazi lotësjellës dhe ujë. Si kundërpërgjigje ndaj policisë është hedhur ujë nga forcat e zjarrëfikësve të Bashkisë së Kavajës.<br /><br />Më herët mbështetës të opozitës sulmuan KZAZ-në numër 16 në Burrel. U përplasën me policinë, duke kërkuar lirimin e ambienteve, në mbështetje të dekretit të Presidentit Ilir Meta, për anulimin e zgjedhjeve të 30 Qershorit.<br /><br />Në mbështetje të Forcave të Rendit, që thonë se po zbatojnë me përpikmëri ligjin për të mbrojtur KZAZ-të, erdhën Forcat e Ndërhyrjes së Shpejtë. Nga përplasja pati disa të plagosur. Një nga mbështetësit e opozitës u dërgua me helikopter në spitalin e Traumës në Tiranë.<br /><br />Pas rreth dy orë tensionesh, protestuesit arritën t?i nxjerrin nga KZAZ-ja materialet zgjedhore dhe u vunë flakën. Pas kësaj, bllokuan rrugën nacionale dhe u drejtuan në Klos, ku gjithashtu sulmuan KZAZ-në numër 17.<br /><br />I nxorrën materialet jashtë dhe i dogjën. Tensionet pati edhe Bashkinë e Kukësit. Pasi protestuesit tentuan të bllokojnë mbledhjen e materialeve zgjedhore, policia i ka nxjerrë ato vullnetarisht.<br /><br />Incidente u regjistruan edhe në KZAZ Nr 27 në Kamëz.<br /><br />"Ka qenë ora 10:30 e mëngjesit të sotëm kur Policia Bashkiake e Kamzës, e përkrahur nga simpatizantë të Partisë Demokratike ka tentuar të hapë portën për të marrë materialet zgjedhore. Ka qenë ky momenti që ka krijuar përplasje mes tyre dhe Forcave të Rendit".<br /><br />Forcat e Ndërhyrjes së Shpejtë kanë përdorur sprai lotsjellës për të shpërndarë turmën. Si pasojë u lënduan 2 policë bashkiakë. Situatë më e tensionuar ka qenë edhe në Pogradec, ku protestuesit janë përpjekur të marrin në kontroll mjediset e KZAZ-së.<br /><br />Drejtues të Bashkisë së Kavajës dhe mbështetës të opozitës i vunë një ultimatum policisë për liruar ambientet e KZAZ-së 42 që ndodhet në palestrën e shkollës 9-vjeçare "3 Dëshmorët".<br /><br />Një ditë më parë në Shkodër, punonjës të bashkisë të mbështetur nga protestues të opozitës, i vunë vënë flakën KZAZ numër 3, e cila ndodhet në ambientet e shkollës së mesme "Shejnaze Juka". Në Tropojë po ashtu u sulmua KZAZ-ja e vendosur në Muzeun Historik.<br /><br />Policia njoftoi arrestimin e 12 personave për incidentet e ndodhura në këto Bashki, ndërsa ka shpallur 20 të tjerë në kërkim, 29 janë shoqëruar në polici ndërsa 7 persona po ndiqen penalisht në gjendje të lirë, mes tyre edhe ish-deputetët të opozitës dhe funksionarë të Bashkive. Ata akuzohen për shkatërrim të pronës, dëmtim me dashje të materialeve zgjedhore dhe kundërshtim të p...
