Bashkia e Shkodrës refuzon të japë leje për mitingun e Kryeministrit Rama këtë të enjte në qytetin verior. Përmes dy shkresave drejtuar degës së Partisë Socialiste dhe Policisë së këtij qyteti, Kryebashkiakja Voltana Ademi thotë se këtë vendim e mbështetet në zbatim të dekretit të Presidentit të Republikës për anulimin e zgjedhjeve të 30 Qershorit dhe në kuadër të mbarëvajtjes së sezonit turistik.<br /><br />?Çdo aktivitet politik elektoral që mund të zhvillohet në sheshet publike të hapura në qytetin e Shkodrës, konsiderohet i paligjshëm dhe për rrjedhojë Bashkia Shkodër nuk miraton leje për asnjë subjekt politik.?<br /><br />Por Kryeministri konfirmoi nga parlamenti se do ta zhvillojë mitingun në Shkodër duke folur për skenare të ngjashëm me atë të 2 Prillit<br /><br />?Sot rishfaqet në grahmat e asaj partie që ka humbur busullën dhe rrogëtaret në nivelin vendorë po i përdor njësoj siç i përdorte në atë kohë Partia e Vjetër e Punës, disa falanga njerëzish pa të ardhme. Për herë të parë që nga viti 1991, rishfaqet fenomeni i dëshpëruar në shëmtinë e vet i një anti-mitingashe. Janë në shkelje të ligjeve. Mbase plani është për të bërë një 2 Prill tjetër sot pasdite, pasi historia ka ndryshuar se asgjë nuk ka ndryshuar në vizion, qasje dhe metodë në kokën e atij që është lideri suprem i PD-së. Ai që është në zyrën e Presidentit po i hedh benzinë zjarrit?<br /><br />Prej disa ditësh në qytetin verior të Shkodrës janë shënuar përplasje mes Policisë Bashkiake dhe asaj të rendit në KZAZ-në e këtij qyteti, ku drejtuesit e djathtë kanë kërkuar lirimin e ambienteve në pronësi të pushtetit lokal, pas anulimit të zgjedhjeve vendore nga kreu i shtetit.
