Dy aksidente rruogre kanë rezultuar fatale ditën e sotme, pasi si pasojë kanë ndërruar jetë një 18 vjeçar dhe një 26 vjeçare.<br /><br />Aksidenti i parë ka ndodhur në orët e para të mëngjesit, në aksin rrugor Fier-Lushnje, aty ku mjeti në të cilin ndodhej 18 vjeçari pasagjer është përplasur me një tjetër mjet.<br /><br />Ndërsa, ai i dyti ka ndodhur në mesditë, në autostradën Fushë-Krujë-Milot, aty ku një 26 vjeçare është përplasur pas një trajleri dhe pasi është dërguar në spital ka ndërruar jetë.<br /><br />Aksidenti në aksin rrugor Fier-Lushnje:<br /><br />Një aksident në aksin rrugor Fier-Lushnje në vendin e quajtur 'Kryqëzimi i Shoferit', i ka marrë jetën 18-vjeçarit Klodian Sharka i cili udhëtonte si pasagjer në mjetin tip 'Benz'. Mjeti drejtohej nga kushëriri i tij, 22-vjeçari Mariglent Sharka. Mësohet se ai është përplasur me një tjetër mjet tip 'Benz' i cili drejtohej nga një tjetër kushëri i viktimës, Bajram Sharka 31-vjeç.<br /><br />Ndërsa në aksident është përfshirë edhe një mjet tip 'Jaguar' me drejtues një 33-vjeçar nga Kopliku.Një 26 vjeçare ka ndërruar jetë para pak minutash pasi ka goditur nga pas një 'trajler'.<br /><br />Aksidenti ka ndodhur në autostradën Fushë- Krujë- Milot, në afërsi të kryqëzimit të Patokut.<br /><br />Drejtuesja Sonila Gurra po udhëtonte me një mjet të tipit 'Smart'. Pas aksidenitit, ajo është dërguar me urgjencë në spitalin ushtarak të Tiranës, por fatkeqësisht ka ndërruar jetë në ambientet e këtij të fundit.<br /><br />Ndërkaq, policia ndodhet në vendngjarje për zbardhjen e shkaqeve të aksidentit.
