Komisioni i Ligjeve miratoi ditën e sotme me 13 vota pro, 1 kundër dhe asnjë abstenim raportin e Komisonit me propozimin për Kuvendin e Shqipërisë për ngritjen e një komisioni për të hetuar shkeljen e kushtetutës nga ana e presidentit Ilir Meta pas anulimit të 30 qershorit. Mësohet se kundër këtij raporti ka votuar deputeti i opozitës së re, Adriatik Alimadhi.<br /><br />Raporti i u paraqit nga relatori Adnor Shameti i cili gjatë fjalës së tij deklaroi se presidenti Ilir Meta ka shkelur rëndë kushtetutën.<br /><br />?Presidenti nuk kishte interes për tu dëgjuar në këtë komision. Kur kishte nisur fushata zgjedhore presidenti nxori dekretin e ç?fuqizimit të datës së zgjedhjeve. Kërkesa e 55 deputetëve e bazuar. Kuvendit do t?i dërgohet edhe letra përgjigje e presidencës bashkë me propozimin e ngritjes së një komisioni hetimor?, deklaroi Shameti.<br /><br />Gazetarja e Report tv Klesiana Omeri raporton se ky raport do të votohet në Kuvend në senacën plenare të datës 4 korrik. <br /><br />Mazhoranca ka nisur procedurat për shkarkimin e presidentit Ilir Meta pas mbledhjes së 55 firmave nga 35 të nevojshme. Parlamenti ka votuar në Kuvend me 100 vota pro rezolutës së Partisë Socialiste ku radhiteshin argumentet pse dekreti i kreut të shtetit për anulimin e zgjedhjeve të 30 qershorit ishte antikushtetues, dhe ku shprehej bindja se zgjedhjet do të mbahen në këtë datë.
