Rizoto me lule kungulli dhe kungull<br /><br />Përbërja:<br /><br />320 gr oriz<br /><br />1.5l lëng perimesh<br /><br />600 gr kungull të njomë<br /><br />10-15 lule kungulli<br /><br />majdanoz ose borzilok<br /><br />1 qepë e vogël<br /><br />1 thelpi hudhër<br /><br />30 gr gjalp<br /><br />vaj ulliri<br /><br />½ gotë verë të bardhë<br /><br />kripë+ piper i zi<br /><br />30 gr parmixhan<br /><br />Përgatitja:<br /><br />Kungujt e pastruar i presim në kubikë me brinjë 0,5 cm. Në një tigan të thellë ngrohim 2 lugë gjelle vaj ulliri, 1 thelb hudhër për aromatizimin e vajit dhe më pas shtojmë kungujt e prerë në kubikë. I kaurdisim ato dhe shtojmë kripë e më pas vendosim kapakun që të zbuten. Në një tenxhere shkrijmë gjalp, shtojmë vah dhe kaurdisim qepën të grirë shumë imët. Sapo qepa të zbutet shtojmë orizin dhe e kaurdisim së bashku me qepën deri sa orizi të ngrohet mirë. E shuajmë me verë të bardhë dhe sapo alkooli të avullojë fillojmë të shtojmë lëngun e perimeve gradualisht me garuzhde. Sapo orizi të përthithë lëngun, shtojmë përsëri. Në një tas të thellë vendosim 4-5 lugë gjelle kunguj të kaurdisur. Shtojmë pak lëng perimesh dhe me një blender dore e kthejmë në pure. Shtojmë kungujt e kaurdisur me oriz, purenë e kungullit dhe vazhdojmë përzierjen. Në fund shtojmë lulet e kungullit të cilave i kemi larguar pistilin, i kemi shpëlarë dhe në fund i kemi prerë për së gjati. Shtojmë 1 lugë gjalp, parmixhanën dhe i përziejmë. Shtojmë majdanoz ose borzilok. E shërbejmë duke e zbukuruar me lule kungulli.
