Trafikimi i një vajze 26 vjeçare për ta shfrytëzuar më pas për prostitucion në Francë, ka çuan në pranga 3 persona, mes të cilëve edhe një punonjëse policie.<br /><br />Uniformat blu, në bashkëpunim edhe me SHÇBA-në finalizuan operacionin e koduar ?TRANZIT?, duke prangosur 29 vjeçarin A.K. lindur dhe banues në Elbasan, i dënuar më parë për veprën penale ?Prodhim dhe shitje të lëndëve narkotike?, si dhe 26 vjeçarin A. Ç., lindur dhe banues në Librazhd.<br /><br />Sipas policisë, dy të rinjtë, në bashkëpunim me njëri-tjetrin në Pikën e Kalimit Kufitar Rinas kanë tentuar të trafikojnë me qëllim shfrytëzimi për prostitucion vajzën 26-vjeçare, e cila do të pritej në Francë nga 33 vjeçari K. B., i cili dyshohej se do ta shfrytëzonte për prostitucion.<br /><br />Po ashtu, në pranga u vu edhe oficeria e policisë F.K, 30 vjeçe, me detyrë kontrollore pranë Komisariatit të Policisë Kufitare Rinas.<br /><br />Për të ka dyshime se nëpërmjet ryshfetit ka ndihmuar dhe lehtësuar procedurat e kalimit deri në zonën tranzit të Rinasit për 26-vjeçaren.<br /><br />Emri i oficeres doli në dritë pikërisht nga dëshmia e kësaj të fundit.<br /><br />Burime pranë policisë sqaruan se në dëshminë e saj, 26 vjeçarja ka treguar se do të ushtronte prostitucion në momentin e fundit që do të kalonte nëpërmjet Rinasit, pasi më herët të rinjtë i kishin thënë se do të punonte si kamariere.<br /><br />Tashmë në kërkim policia ka shpallur edhe 33 vjeçarin K.B, duke informuar edhe autoritetet Franceze.<br /><br />Të arrestuarit akuzohen për ?Trafikim i personave?,?Shfrytëzimit të prostitucionit?,?Korrupsionit aktiv të personave që ushtrojnë funksione publike? dhe ?Korrupsionit pasiv të personave që ushtrojnë funksione publike". Ndërsa hetimet do të ndiqen nga Prokuroria e Krimeve të Rënda.
