Më shumë se gjysma e punimeve në tre segmentet ku po ndërtohet rruga Kardhiq-Delvinë ka përfunduar.<br /><br />Në lotin 4, 5 dhe 6 makineritë janë duke punuar me intensitet të lartë. Aktualisht ka përfunduar pjesa e gërmimeve dhe po bëhet shtrimi i trasesë së rrugës, ku më pas do të nisë ndërtimi i urave lidhëse në këtë aks. Ministrja Belinda Balluku tha se pavarësisht terrenit të vështirë, punimet do të përfundojnë përpara afatit.<br /><br />"Problematikat këtu i kemi diskutuar dhe terreni është i vështirë për të thënë të drejtën, ka pasur edhe rrëshqitje në disa nga rastet, megjithatë po bëhet një punë e mirë e cila na jep shpresë se ndoshta do mbarojmë edhe para afatit".<br /><br />Këshilli Teknik i Autoritetit Rrugor ka ndryshuar në disa pjesë projektin për të zgjidhur disa problematika të hasura nga kompanitë që po ndërtojnë rrugën si dhe nyjet lidhëse me fshatrat përreth.<br /><br />"Kemi diskutuar të gjitha problematikat që kanë pasur të trija lotet të cilat janë duke punuar, si loti 4,5 dhe 6, për të korrigjuar ato defekte të paraqitura nga ana e supervizorit dhe për t?u riprojektuar", thotë drejtoresha e ARRSH, Sonila Qato.<br /><br />Projekti i rrugës Kardhiq ? Delvinë është tenderuar në vitin 2009 dhe me një gjatësi totale prej 32 kilometrash, ku tre lotet e para 1, 2 dhe 3 prej 16 kilometrash përfunduan, por për 8 vjet rruga nuk mori më asnjë financim. Aktualisht po punohet për 3 segmente të tjera, ndërsa loti 7 i cili pëmban edhe ndërtimin e tunelit në këtë rrugë dhe ai 8, pritet që të nisin punimet këtë vit, për të përfunduar në vitin 2021. Kardhiq ? Delvinë është një nga nyjet më të rëndësishme të turizmit jugor pasi lidh rrugën nacionale Gjirokastër-Tepelenë me Sarandën, duke shmangur qafën e Muzinës, rrugë malore dhe e vështirë për automjetet.<br /><br />Tv Klan
