#rtvora #zgjedhjete30qershorit<br />Incidenti më i rëndë i votimeve të 30 qershorit u shënua në Bashkinë Durrës.<br /><br />Një 53-vjeçar është futur me armë në qendrën e votimit në nr. 1521, në Sukth ku kërcënoi komisionerët dhe theu kutinë e votimit.<br /><br />Ramiz Bakanaçi ishte protagonisti i ngjarjes së rëndë që fatmirësisht përfundoi pa të lënduar dhe me arrestimin e tij nga policia.<br /><br />Anëtarët e Komisionit të Votimit, thonë se 53 vjeçari ishte paraqitur fillimisht aty në gjendje të pirë dhe më pas ishte rikthyer me armë në dorë.<br /><br />Komisioneri: Erdhi me armë në dorë. Na kërcënoi prap, na mori fletët e votimit me të gjithë listat e zgjedhësve dhe doli përjashta. Erdhi policia, bëri kqyrjen e vendit, të gjitha gjërat dhe morën personin.<br /><br />Ramiz Bakanaçi është vënë në pranga, ndërsa ndaj tij janë ngritur një sërë akuzash që lidhen edhe me krimin zgjedhor.<br /><br />Më herët gjatë natës shkolla 9 vjeçare në Bushkash të Burrelit, e përcaktuar si qendër votimi u sulmua me lëndë shpërthyese.<br /><br />Nga shpërthimi nuk raportohet të ketë persona të lënduar, ndërsa ngjarja nuk pengoi as procesin e votimit që u mbajt në të njejtën shkollë.<br /><br />Në Fier, ndërkohë dy persona u ndaluan pranë qendrës së votimit të fshatit Topojë, pasi sipas raportimeve u bënin presione qytetarëve për të mos votuar.<br /><br />Por sipas kryetarit të PD në Fier, Luan Baçi ata po vëzhgonin procesin e votimit nga jashtë dhe janë ndaluar që ata të mos siguronin numrin e saktë të votuesve, në mënyrë që në fund të rrisin numrin e votuesve.<br /><br />Luan Baçi: Janë marrë jashtë qendrës së votimit dhe janë shoqëruar vetëm se shikonin se kush do të hynte për të votuar.<br /><br />Policia e Shtetit në një reagim për ngjarjet thotë se është e vendosur për të garantuar mbarëvajtjen e procesit zgjedhor si dhe për të mbrojtur liritë dhe të drejtat themelore të qytetarëve. Cilido që do të kryejë veprime që cenojnë procesin e votimit dhe liritë e të drejtat e qytetarëve, do të përgjigjet para ligjit.<br />Për më shumë lexoni në: <br />http://www.oranews.tv/article/arme-dhe-ekspoziv-ne-qv-incidente-te-renda-ne-sukth-ulez-e-fier<br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
