Kryeministri Rama i shoqëruar edhe nga bashkëshortja e tij iu drejtua rreth orës 09:30 qendrës së votimit në shkollën që mban emrin e dëshmorit 'Ymer Lala' në Surrel.<br /><br />Duke respektuar radhën e votuesve, ai shkoi më pas në dhomën e fshehtë ku nuk iu desh shumë kohë për të rrethuar emrin e kandidatit të preferuar.<br /><br />Në dalje nga qendra e votimit, Kryeministri tha se zgjedhjet e së dielës ishin një leksion për gjithë klasën politike.<br /><br />"Sot është shumë herë më e rëndësishme Shqipëria dhe mësimi historik që kjo ditë do t'i japë të gjithëve se sa vota për njërin apo për tjetrin që është e fshehtë. Sot është e rëndësishme që çdo qytetar në këtë vend të votojë ose mos votojë por të respektojë të drejtën e kujtdo për të votuar ose mosvotuar. Historia solli që këto zgjedhje janë zgjedhje për Shqipërinë që duam për fëmijët tanë. Jam i bindur se sot në Shqipëri po ndodh diçka historike. Është një mësim që nuk do të harrohet kurrë nga asnjë parti politike".<br /><br />Kryeministri nuk nguroi të japë edhe një mesazh për opozitën.<br /><br />"Unë besoj se kjo ditë konfirmon se me popullin nuk luhet, sovraniteti i popullit nuk është fjalë boshe dhe kush tenton t'i marrë popullit sovranitet nuk ka asnjë fund tjetër përveç fundit me dështim dhe me turp".<br /><br />Kreu i qeverisë nuk preferoi të bëjë komente kur u pyet nëse këto zgjedhje i kujtonin kohën e votimeve moniste.<br /><br />Tv Klan
