Përmes një videoje të siguruar nga vëzhguesit e saj ditën e zgjedhjeve në një qendër votimi në Kavajë, Partia Demokratike denoncoi mekanizmin e manipulimit të votave nga ana e komisionerëve të Partisë Socialiste.<br /><br />?Ka edhe badge-n e anëtarit të Komisionit, plotësojnë fletën e votimit komisionerët dhe mbushin kutitë më pas ulet tek tryeza e komisionit. Identifikojnë zgjedhësit pasi marrin informacionin telefonikisht; marrin të dhënat dhe kartën e identitetit të zgjedhësve që nuk vijnë dot të votojnë, përfshi edhe emigrantë, dhe këtë gjë e bëjnë në mënyrë individuale, në mënyrë që të kontrollojnë fluksin e votimit, por siç e shihni, aty nuk ka asnjë votues të paraqitur?, tha Oerd Bylykbashi.<br /><br />Në një tjetër dalje nga selia blu, Sekretari për Çështjet Zgjedhore, Ivi Kaso publikoi të tjera fakte që sipas Partisë Demokratike provojnë manipulimin e pjesëmarrjes në votimet e 30 Qershorit.<br /><br />?Për të justifikuar ndryshimin me plot 66 mijë vota të shtuara brenda 24 orësh vetëm sipas shifrave të KQZ, njëri nga anëtarët e bandës në KQZ, Bledar Skënderaj, deklaroi publikisht se gabimi mes rezultatit të parë dhe atij final ishte vetëm 1.3 për qind. duke marrë në konsideratë të dhënat e falsifikuara të vetë KQZ-së, ndryshimi i pjesëmarrjes nga deklarimet e mbrëmjes së 30 Qershorit tek finalja, është i drastik për 1/3 e bashkive të vendit. Falsfkimi nuk lëviz me 1 për qind, por me 5, 10, 20, 30 dhe 40 për qind.?<br /><br />Pas asaj që e cilëson krim masiv elektoral, Partia Demokratike thotë se qëndron nënkryetari i KQZ-së. Selia blu ka paralajmëruar kallëzim për Denar Bibën, tre zyrtarë të KQZ-së dhe të gjithë ata komisionarë të përfshirë në paligjshmëri të dielën e 30 Qershorit.<br /><br />Tv Klan
