?PD kërkon menjëherë arrestimin dhe vënien përpara drejtësisë të banditit që për pushtetin e Edi Ramës kërcënon kreun e KQZ .?<br /><br />Sipas demokratëve ky nuk është i vetmi kërcënim i bërë nga personi që shantazhoi kreun e KQZ-së, Klement Zguri.<br /><br />"Ky është i njëjti bandit që ka kërcënuar Aurel Plasarin që e ka denoncuar faktin pas bërjes publik të kërcënimit të kreut të KQZ duke vënë në dukje se kjo është fryma me të cilën Rama ka organizuar 30 Qershorin".<br /><br />Edi Paloka tha se shkak për kërcënimin ndaj Zgurit është bërë kërkesa e kreut të KQZ-së, për të hedhur dritë mbi mbushjen e kutive të votimit dhe manipulimit të numrit të votuesve. Partia demokratike paralajmëroi kryeministrin që të tërheqë banditët që kërcënojnë, pasi në të kundërt do të mbajë përgjegjësi.
