Me fjalët ?degradim?, ?lënie pasdore?, ?moskujdesje? e të ngjashme, pjesëmarrësit e takimit të Komisionit për trashëgimi kulturore të UNESCO-s në Baku të Azerbejxhanit, e kanë përshkruar ngecjen e rajonit të Ohrit lidhur me kushtet për mbijetesën e llojeve endemike të bimëve dhe peshqve, por edhe të arkitekturës dhe ndërtimet e vjetra.<br /><br />Shembujt që janë paraqitur për përshkrimin e ngecjes në katër dekadat e fundit, kanë të bëjnë me ndërtimet e jashtëligjshme dhe në rritje të industrisë së turizmit, por edhe ndotjen e ujit të liqenit, me ujëra fekal duke vënë në rrezik florën dhe faunën.<br /><br />"Ky rajon është goditur nga një zhvillim jo përkatës dhe është lënë pasdore. Planifikimi ka qenë kryesisht joefikas dhe i dëmshëm, në veçanti rreth ndërtimit të infrastrukturës për nevojat e turizmit. Kualiteti i ujit është shqetësimi kryesor kur bëhet fjalë për mbrojtjen e natyrës".<br /><br />Por, kërkesa e Shqipërisë që të zgjerohet zona nën mbrojtjen e UNESCO-s, duke llogaritur edhe gadishulli Lin dhe gjithë sipërfaqen e ujit, në njëfarë mënyre ka ndihmuar edhe Maqedoninë e Veriut, që të mos hyjë në listën e trashëgimeve natyrore e kulturore të rrezikuar.<br /><br />"Ne jemi të lumtur që i gjithë rajoni i Ohrit do të mbulohet dhe do të mbrohet si Trashëgimi Botërore Kulturore. Por, megjithatë, edhe pse i pranojmë vërejtjet e evaluimit se ekzistojnë çështje që ngrenë shqetësime serioze, si presionet nga turizmi, peshkimi i tepruar, kontaminimi i ujit. Ne kemi dorëzuar një amendament, për shkak se vlerësojmë se dy vendeve duhet t`u jepet kohë, që me bashkëpunim ndërkufitar t`u përgjigjen këtyre kërcënimeve me të cilat ballafaqohen. Këtë herë të mos futen në listën e trashëgimive të rrezikuara".<br /><br />Përfaqësuesi i Qeverisë së Maqedonisë së Veriut, ministri i Diasporës Edmond Ademi, i cili kërkoi afat deri në Shkurt të vitit të ardhshëm që të eliminohen problemet, ka falenderuar dhe ka përshëndetur zgjerimin e zonës së mbrojtur në anën e Shqipërisë, duke shfaqur shpresën se në seancën e ardhshme të përbashkët qeveritare Maqedoni e Veriut ? Shqipëri do të diskutohet kjo temë.<br /><br />"Komiteti vendosi që të mos e vendosë Ohrin dhe Rajonin e Ohrit në listën e trashëgimisë së rrezikuar kulturore. Vendimi i sotëm është shtytje dhe përkrahje për Qeverinë, për Komunat dhe për të gjitha institucionet t`i zbatojnë rekomandimet tjera".<br /><br />Autoritetet lokale në Ohër kanë identifikuar mbi 1000 ndërtime të egra në zonën e mbrojtur afër Liqenit, por edhe lëshime në funksionimin e kolektorit, që ka rezultuar me ndotje të ujit. Por, OJQ-të ashpër kanë kritikuar pushtetin lokal dhe atë qëndror, që për katër dekada në vend të konservimit kanë lejuar degradimin e rajonit dhe cënimin e rreth dy mijë llojeve endemike. Amendamentin e Hungarisë, që t'u jepet kohë Maqedonisë së Veriut dhe Shqipërisë, e kanë përkrahur Norvegjia, Tunizia, Kina, Azerbejxhani, Brazili, Guatemala dhe vende të tjera.<br /><br />Tv Klan
