"75% e punimeve janë kryer. Teatri i Operas dhe Baletit i rikonstruktuar do të mirëpresë publikun në Janarin e 2020-s?.<br /><br />Kamera e Televizionit Klan është e para që hyn në mjediset e rindërtuara e disa prej tyre edhe të rikonceptuara të Teatrit të vetëm Kombëtar të Operas dhe Baletit. Ndalesën e parë e kryejmë në hapësirën më të rëndësishme, në sallën e shfaqjeve.<br /><br />Ndërhyrja në të është e plotë. Nga e kaluara nuk gjen asnjë gjurmë.<br /><br />Është menduar edhe për personat me aftësi të ndryshe. Dy rreshta me ulëse janë ideuar vetëm për ata.<br /><br />Mjedisi që dikur shërbente për prova apo aktivitete që lidheshin me institucionin, do të shfrytëzohet nga publiku. Atij nuk do t?i duhet t?i marrë me vete në sallë pallto e xhaketa. Kjo do të jetë gardëroba.<br /><br />Më në fund dhe përsëri në funksion të rehatisë së publikut janë rindërtuar tualetet, deri dje thuajse të papërdorshme për shkak të papastërtisë, vjetërsisë dhe pamjaftueshmërisë në numër.<br /><br />Shtëpisë së rikonstruktuar të Operas dhe Baletit, i janë shtuar 1 mijë metra katrorë, nga e cila 500 ishte një hapësirë e pashfrytëzuar për art. Shembulli është kjo sallë.<br /><br />Zhvendosemi në mjediset për artistët. Çdo dhomë ku ata zhvillojnë artin e tyre i përgjigjet kërkesave në ndriçim, akustikë dhe sistemin e ajrimit.<br /><br />Për ta është menduar edhe një vend ngrënie, që në historinë disa vjeçare të institucionit ishte një mjedis i munguar.<br /><br />Përveç fasadës, e paprekur e që evokon të kaluarën është dyshemeja me mozaikët e mermertë shumëngjyrësh.<br /><br />Ndryshimit të brendshëm do t'i përgjigjet edhe ai i jashtëm, e konkretisht në pjesën e pasme të Teatrit Kombëtar të Operas dhe Baletit, një hapësirë në shërbim të artit.<br /><br />Tv Klan
