TIRANE - Opozita e re parlamentare ende nuk e ndjen vet të integruar plotësisht në Kuvendin e Shqipërisë. Gjatë debateve këtë të premten në Komisionin Parlamentar të Ligjeve, kreu i grupit parlamentar të partive të djathta, Adriatik Alimadhi, e ndjeu veten të përjashtuar kur nisën diskutimet për projektvendimin për të ndryshuar rregulloren e Kuvendit. Në fakt, diskutimi u përqendrua mbi pretendimet e Alimadhit se opozita e re nuk është njohur me propozimet për rregulloren. Përgjigjen e mori nga deputetët e mazhorancës, Bashkim Fino Vasilika Hysi dhe kryetari i Komisionit të Ligjeve, Ulsi Manja. Sipas tyre, deputetët e rinj i kanë pasur propozimet në tryezë prej kohësh, ndërsa shumica e tyre janë propozime nga opozita tashmë jo parlamentare, konkretisht nga ish-deputeti Enkeleid Alibeaj. Megjithatë, Manja tha se opozita e re i ka mundësitë për të bërë propozime konkrete dhe të mos merret me të shkuarën.<br />Alimadhi: Do kërkoja nëse deputetët e opozitës kanë bërë propozime, ne të njiheshim me ato<br />Hysi: Projekti i ndryshimeve në rregullore është një punë 2 vjeçare<br />Hysi: I kemi çuar çdo deputeti projektin më shumë se një herë<br />Alimadhi: Jemi deputetë të rinj, por ju nuk na sillni propozimet e opozitës<br />Fino: Ka 2 vjet që punohet, një pjesë e mirë e propozimeve janë të Alibeajt. Nuk mund të vijnë deputetët e rinj në mbledhjen e fundit të rregullores te kërkojnë nisjen nga fillimi. Keni 6 muaj që keni ardhur, materialet këtu i keni pasur<br />Alimadhi: Këtë material nuk e kam pasur, nuk e kuptoj çfarë problemi ka që nuk na vihen në dispozicion<br />Manja: Miratojmë rregulloren në tërësi, kërkoni propozime të kohës së shkuar. Opozita ka deputetët në seance dhe keni mundësinë të bëni propozime konkrete, nuk keni pse merreni me të shkuarën<br />Por deputeti Adriatik Alimadhi kërko shtyrjen e mbledhjes së komisionit të Ligjeve, kërkesë që u rrëzua, çka detyroi Alimadhin të largohet nga mbledhja.<br />Manja: Rrëzohet propozimi, vijojmë me rendin e dites<br />Alimadhi: Kane bërë mirë ata që janë larguar. Nuk respektohet asnjë propozim<br />(Alimadhi largohet nga mbledhja)<br />Por për cfarë projektvendimi bëhet fjalë?<br />Në rend të ditës se mbledhjes së sotme të Komisionit të Ligjeve ishte vazhdimi i shqyrtimit nen për nen të projektvendimit ?Për disa ndryshime në vendimin e Kuvendit nr. 166, datë 16.12.2004 ?Për miratimin e Rregullores së Kuvendit të Republikës së Shqipërisë?, të ndryshuar, si dhe shqyrtimi dhe miratimi i projekt-rezolutës ?Për vlerësimin e veprimtarisë së Departamentit të Administratës Publike mbi gjendjen në shërbimin civil, për vitin 2018?
