Edhe pse deri tani procesi i legjitimimit në gjykatat e rretheve të kryebashkiakëve të zgjedhur në 30 Qershor kishte kaluar pa probleme duke konfirmuar 29 kryebashikakë, dy gjyqtarë kanë vendosur ndryshe këtë të mërkurë. Fillimisht gjykata e Durrësit dhe më pas ajo e Tiranës nuk pranuan të konfirmojnë si fitues kandidatët socialistë ne Durrës dhe Vorë për arsye të ndryshme.<br /><br />Gjykata e Shkallës së parë në Durrës refuzoi ti japë mandatin kandidates socialiste, Valbona Sako. Gjyqtarja Mimoza Margjeka argumenton se rivalja e Sakos, Valbona Sakollari që garonte nën siglën e Bindjes Demokratike është regjistruar jashtë afateve ligjore.<br /><br />?Partia Bindja Demokratike është regjistruar në Gjykatë më datën 25 prill 2019 pasi kishte përfunduar afati i regjistrimit të subjekteve zgjedhore në Komisionin Qendror të Zgjedhjeve për zgjedhjet për organet e qeverisjes vendore të datës 30.06.2019. Bazuar ne nenin 64 të Kodi Zgjedhor afati i fundit për tu regjistruar në KQZ si subjekt zgjedhor është përcaktuar data 23 prill 2019.?<br /><br />Në zgjedhjet e 30 Qershorit kandidatja socialiste Valbona Sako mori 34 026 vota ndërsa kandidatja e Bindjes Demokratike, Valbona Sakollari 3 629 vota.<br /><br />Ndërsa Gjykata e Tiranës nuk shpalli fitues të zgjedhjeve kandidatin socialist për bashkinë e Vorës, Agim Kajmaku i cili nuk kishte rivalë. Gjyqtarja Ariana Gunbardhi vendosi t?ia kaloj këtë çështje për kompetencë gjykatës administrative të rrethit të parë Tiranë.<br /><br />Shumë gjykata në vend kanë konfirmuar mandatet e të zgjedhurve vendore për bashkitë edhe pse kandidatët socialiste kanë pasur përballë rivalë të Bindjes Demokratike. Të tilla janë rastet e Korçës, Kolonjës, Mallakastrës, Kukësit e Shijakut. Gjykatat kanë konfirmuar edhe rastet kur kandidatët socialiste kanë qenë të vetëm në garë si në Elbasan, Patos, Maliq, Has, Divjakë apo Përmet. Teksa 29 kryebashkiakë kanë marrë mandatin, fituesit e tjerë janë në pritje të shqyrtimit të kërkesave dhe caktimin e gjyqtarëve për marrjen e vendimeve të konfirmimit në detyrë të kryetarëve të rinj.<br /><br />Fituesit bashkive të konfirmuar nga gjykatat<br /><br />Tonin Marina, Malësi e Madhe<br />Gjon Gjonaj, Pukë<br />Rexhë Byberi, Tropojë<br />Liman Morina, Has<br />Safet Gjici, Kukës<br />Agron Malaj, Mat<br />Ilmi Hoxha, Klos<br />Elton Arbana, Shijak<br />Redi Krali, Kavajë<br />Haxhi Memolla, Rrogozhinë<br />Lorenc Tosku, Peqin<br />Andis Salla, Cërrik<br />Gentjan Llatja, Elbasan<br />Kastriot Gurra, Librazhd<br />Fatos Tushe, Lushnjë<br />Fredi Kokoneshi, Divjakë<br />Armando Subashi, Fier<br />Rajmonda Balili, Patos<br />Majlinda Bufi, Roskovec<br />Qerim Ismaili, Mallakastër<br />Juliana Memaj, Ura Vajgurore<br />Gëzim Topçiu, Maliq<br />Pali Kolefski, Pustec<br />Eduard Duro, Devoll<br />Erion Isai, Kolonjë<br />Alma Hoxha, Përmet<br />Gjolek Guci, Memaliaj<br />Tërmet Peçi, Tepelenë<br />Flamur Golemi, Gjirokastër<br />Tv Klan
