LDK e VV kundër qeverisë teknike<br /><br />Dy partitë opozitare, LDK-ja dhe Vetëvendosje, kanë kërkuar nga Presidenti i Kosovës që të shpallë datën e zgjedhjeve.<br /><br />Kreu i LDK-së Isa Mustafa ka thënë se një qeveri teknike do të ishte fyerje për vendin.<br /><br />Këto dy parti nuk janë të gatshme të jenë pjesë e ndonjë qeverie teknike.<br /><br />?Presidenti Thaçi duhet të na thërrasë për të caktuar datën e zgjedhjeve, kaq. I bëj thirrje që mos të zvarrisë proceduralisht procesin drejt zgjedhjeve të lira e demokratike. Kosova sot nuk ka qeveri, Kosova duhet të bëhet me qeveri të re, mirëpo për këtë duhet të flasin qytetarët një here.?<br /><br />Këto dy parti janë në koordinim të vazhdueshëm për zgjedhje të jashtëzakonshme.<br /><br />Edhe Nisma Social Demokratike që është pjesë e koalicionit qeverisës ka bërë thirrje për zgjedhje të jashtëzakonshme.<br /><br />Analisti Ramush Tahiri, thotë se Presidenti i ka 10 ditë për të gjetur një emër konsensual për kryeministër megjithatë sipas tij zgjedhjet e jashtëzakonshme janë e vetmja zgjidhje.<br /><br />Sipas tij koalicioni PAN nuk i ka numrat për të zëvendësuar kryeministrin.<br /><br />Ndërkohë KQZ-ja është shprehur e gatshme për organizimin e zgjedhjeve të jashtëzakonshme kurdo që të mbahen ato.<br /><br />Tv Klan
