Mandatet e këshillave bashkiakë në 7 bashki; atë të Urës Vajgurore, Devollit, Kuçovës, Konispolit, Memaliajt, Përmetit e Poliçanit u certifikuan nga Kolegji Zgjedhor. Ky i fundit pranoi kërkesën e Partisë Socialiste për t?i shpërndarë mandatet e parlamenteve lokale, pas dështimit të KQZ për t?i miratuar për mungesë votash.<br /><br />E njëjta procedurë pritet të ndiqet nga mazhoranca edhe për këshillat e 5 bashkive të tjera, atë të Tiranës, Beratit, Shijakut, Selenicës dhe Kurbinit, të cilat nuk arritën dot të kalonin në mbledhjen e të hënës, në Komisionin Qendror të Zgjedhjeve.<br /><br />Të martën pritet të shqyrtohen 13 kërkesat e tjera të bëra nga Partia Socialiste për shpërndarjen e mandateve për bashkitë Mirditë, Finiq, Pukë, Pogradec, Vau i Dejës, Mat, Fushë-Arrëz, Roskovec, Kavajë, Dropull dhe Peqin, duke i hapur në këtë mënyrë rrugën mbledhjes së parë të këshillave bashkiakë dhe betimit të kryetarëve të rinj për çdo njësi vendore.<br /><br />Por për Partinë Demokratike, Kolegji ka pengesë ligjore për të bërë shpërndarjen e mandateve të Këshillave Bashkiake, pasi më parë duhet të shqyrtohet në Gjykatën Kushtetuese kërkesa për kushtetutshmërinë e 30 Qershorit dhe dekretet e Presidentit, e bërë pak ditë më parë nga Shoqata e Bashkive. Përmes një letre drejtuar trupës së Kolegjit Zgjedhor, opozita kërkoi pezullimin e procesit.<br /><br />Paraditen e të hënës, Kolegji Zgjedhor rrëzoi edhe 5 kërkesat ankimore të bëra nga Bindja Demokratike për procesin zgjedhor të 30 Qershorit, si dhe një tjetër nga kryebashkiaku në largim i Finiqit, i cili nuk e pranon humbjen.<br /><br />Tv Klan
