TIRANE - Konfirmohet në detyrë prokurori i Krimeve të Rënda Olsian Çela, kandidat për pozicionin e Prokurorit të Përgjithshëm të Republikës së Shqipërisë. Pas senacës dëgjimore, Komisioni i Pavarur i Kualifikimit ka dhënë vendimin këtë të martë duke e konfirmuar në detyrë Çelën.<br /><br />Vendimi është pritur me duartrokitje në sallë, ndërkohë i pranishëm në seancë ishte edhe vetë Olsjan Çela si dhe vëzhguesit ndërkombëtarë.<br /><br />Kandidat për prokuror të Përgjithshëm janë 4, bashkë me Çelën. Arta Marku, prokurore e përkohshme, që kërkon një mandat të plotë kushtetues, Fatjona Memçaj, prokurore e Apelit dhe avokati Lulzim Allushaj.<br /><br />Olsian Çela është rivali kryesor i Arta Markut në garën për Prokuror të Përgjithshëm.<br />Vendimi i parë që pritet të marrë Këshilli i Lartë i Prokurorisë pas konstituimit do të jetë zgjedhja e Prokurorit të Përgjithshëm me mandat të plotë 7-vjeçar. <br /><br />Pas zgjedhjes, KLP i liston kandidatët sipas pikëzimit.<br /><br />Kryeprokurori zgjidhet me 3/5 e votave në Kuvend dhe ka një mandat 7 vjeçar, pa të drejtë riemërimi. Nëse Kuvendi nuk e zgjedh Prokurorin e Përgjithshëm brenda 30 ditëve, atëherë detyrën e merr kandidati i renditur i pari në listën e Këshillit të Lartë të Prokurorisë.
