Pjesa e trete e Pa Gjurme dt 23 korrik Pas 26-vitesh, Mine Cani arrin të lidhet me kushërinjtë e saj në SHBA. Një histori që ishte trajtuar gjatë në emisionin investigativ ? Pa Gjurmë? dhe më në fund stafi arriti në gjurmët e Flamur dhe Shqipe Canit.<br /><br />Emocione dhe lot gëzimi u përjetuan mbrëmjen e sotme, teksa vajza e xhaxhait mësojë vendin se ku ata jetonin dhe pas 26 vitesh përherë të parë pa imazhin e tyre. Flamur Cani punonte prej 24 vitesh në Departamentin e Policisë së Neë Jorkut, ndërsa motra e tij ishte e martuar me një shtetas turk dhe jetonte në Staten Island të Neë Jorkut. Por si kishin përfunduar kushërinjtë e Mine Canit në SHBA?<br /><br />Zanafilla daton shumë herët. Babai i tyre, Bajram Cani u arratis nga Shqipëria, në vitet e diktaturës komuniste dhe fati i keq përndoqi familjen e tij, sikundër ndodhte asokohe kur edhe familja Cani pas arratisjes së djalit, e internuan. Bajrami nga Dibra u arratis drejt ish-Jugosllavisë. Ai jeton pak vite në këtë vend dhe martohet me Kujtimen, vajzën me origjinë shqiptare.<br /> <br /><br />Të dy vendosin që jetën e tyre ta ndërtonin në një tjetër shtet, në kontinentin tjetër, në Amerikë. Në Brooklin, Kujtime solli në jetë 2-fëmijë, Shqipen dhe Flamurin. Bajrami i shkruante letra familjes që herë u binin në duar dhe herë jo, për shkak të sistemit. Ishte viti 1989 kur familja e tij në Shqipëri lëvizin nga Lushnja, ku kishin jetuar prej vitesh të internuar, për tu zhvendosur në fshatin Zalldardh të Peshkopisë. Në vititn 1990 në Shqipëri ishte koha e ndryshimeve të mëdha dhe bashkëshortja e Bajramit, Kujtimja vjen për herë të parë në Shqipëri dhe takohet me familjarë të Bajramit. Ndërsa fëmijët ishin rritur dhe ata ishin bërë gjyshër. Shqipja ishte martuar gjithashtu dhe Flamuri.<br /><br />Herën tjetër të kthimit në atdhe kur Bajrami dhe Kujtimja erdhën në Shqipëri ishte viti 1992. Në sytë e përlotur të nënës ardhjet në atdhe të të birit do të ishin edhe më të shpeshta. Ai merr edhe të vëllanë me vete Jahjan, i cili qëndron në Amerikë tek i vëllai afro 3 muaj. Më pas kthehet në Shqipëri ndërsa lë Bajramin të sëmurë. Ndarja e të vëllait me vëllanë ishte e vështirë, por më e rëndë edhe nga kjo largësi, Jahja nuk mundi të takohej më fizikisht me Bajramin dhe dy fëmijët e tij.
