Dy aksidente janë regjistruar mbrëmjen e sotme në Fier dhe në Tiranë. Në Fier rreth orës 19:30 në vendin e quajtur Varibob mjeti tip 'Peugeot' me drejtuese E.H. 30-vjeçe ka dalë nga rruga duke përfunduar në kanal.<br /><br />Report Tv mëson se në makinën me targa italiane po udhëtonte një familje nga Vlora, një grua me nënën dhe dy fëmijët.<br /><br />Sipas policisë nga aksidenti janë plagosur lehtë drejtuesja e makinës së bashku me nënën e saj me inicialet G.Z. 46-vjeç edhe 2 fëmijët e mitur 2 dhe 6 vjeç të cilët ndodhen nën kujdesin e personelit mjekësor në spitalin rajonal Fier.<br /><br />Ndërkohë që në Tiranë rreth orës 19:50 në afërsi të rrethrrotullimit në rrugën e ?Elbasanit? mjeti me drejtues F. F. ka dalë nga rruga dhe është përplasur me një shtyllë.<br /><br />Si pasojë e përplasjes janë dëmtuar drejtuesi i automjetit F. F me gruan dhe fëmijët D. F. R. F. dhe A. F. të cilët u dërguan në spital për ndihmë mjekësore.<br /><br />Sot janë shënuar disa aksidente në vend me disa të plagosur. Në Korçë janë regjistruar tre aksidente me 5 të plagosur, ndërsa në Fier pasdite u plagos një efektiv policie.
