Arrestohen drejtori dhe kartelisti i burgut të Lushnjes<br /><br />Lirimi para kohe nga qelia i Lulzim Cakës, një nga emrat e njohur për drejtësinë në vitet 97- 2000 ka çuar në prangosjen e drejtorit të burgut në Lushnje si dhe kartelistit të institucionit.<br /><br />Caka, i dënuar më 25 vjet heqje lirie për disa vepra të rëndë penale duhet të linte ambinetet e burgut pas 4 muajsh e 22 ditës, por kartelisti Llazar Mino dhe drejtori i burgut Judmir Shurdhi kanë përllogaritur gabim kohën e lirimit.<br /><br />Lajmi u bë me dije nga ministrja e drejtësisë Etilda Gjonaj e cila tha se ky rast do të shërbejë edhe për verifikimin e lirimit abuziv të të dënuarve të tjerë.<br /><br />Etilda Gjonaj, ministre e Drejtësisë: Si rezultat i shkeljeve të evidentuara, në orët e para të mëngjesit Shërbimi i kontrollit të brendshëm të burgjeve kreu arrestimin në flagrancë të Judmir Shurdhi me detyrë Drejtor i IEVP-Lushnjë, për veprën penale të ?Shpërdorimit të detyrës?. 2. Llazar Mino, me detyrë kartelist pranë IEVP Lushnjë. Ata akuzohen se kanë konsumuar elementë të veprës penale të ?Shpërdorimit të Detyrës.<br /><br />Lulzim Caka tashmë është shpallur në kërkim ndërsa njihet si një nga krerët e bandave kriminale që ka vepruar gjatë viteve 1995-2000 në zonën e Beratit, Fierit dhe Lushnjës.<br /><br />Caka u dënua me 25 vite burg për vrasjen e Pëllumb Eminit, si dhe për tentativën për vrasje të punonjësve të policisë Gani Malushi dhe Ilir Ngresit, ngjarje këto të ndodhura 20 vite më parë.<br /><br />Tv Klan
