#rtvora <br />Lulzim Caka i njohur me nofkën "I tmerrshmi i Beratit është liruar 4 muaj e 22 ditë përpara shlyerjes së plotë të dënimit. Ai ishte dënuar me 25 vite burg për kryerjen e disa veprave penale.<br /><br />Ky është konkluzioni i hetimit të përbashkët nga Drejtoria e Përgjithshme e Burgjeve, Shërbimi i Kontrollit të Brendshëm në Burgje (SHKBB) dhe stafi i Ministrisë së Drejtësisë.<br /><br />Për këtë janë arrestuar në flagrancë drejtori i IEVP-Lushnjë, Judmir Shurdhi dhe kartelisti pranë këtij institucioni, Llazar Mino.<br /><br />Ministrja e Drejtësisë deklaroi se mbrëmjen e 29 korrikut ishte vënë në dijeni me dyshimin e lirimit para kohe nga IEVP Lushnjë, të të dënuarit Lulzim Caka dhe kishte urdhëruar verifikimin dhe hetimin e çëshjtes.<br /><br />Nga hetimet rezulton se Caka eshte liruar me herët për shkak të përllogaritjes në mënyrë të gabuar nga ana e kartelistit të IEVP Lushnjë dhe lëshimit të urdhërit të lirimit nga Drejtori i IEVP Lushnjë u shpreh ministrja e Drejtesise në një dalje për median paraditen e sotme (30 korrik)<br /><br />Etilda Gjonaj: "Menjëherë sapo kam marrë dijeni, kam urdhëruar verifikimin dhe hetimin e çështjes me grup të përbashkët hetimi nga Drejtoria e përgjithshme e burgjeve, Shërbimi i Kontrollit të Brendshëm në Burgje (SHKBB) dhe stafi i Ministrisë së Drejtësisë. Grupi i hetimit, gjatë orëve të natës ka kryer veprimet hetimore dhe proceduriale, në administrimin e provave, pyetjen e stafit administrativ, drejtorin e IEVP Lushnjë, kartelistin pranë këtij institucioni, shqyrtimin e dokumentacionit në IEVP Lushnjë dhe dosjes penale të të dënuarit Lulzim Caka. Në përfundim të këtyre hetimeve, ka rezultuar se shtetasi Lulzim Caka është liruar nga IEVP-Lushnjë 4 muaj e 22 ditë përpara shlyerjes së plotë të dënimit, për shkak të përllogaritjes në mënyrë të gabuar nga ana e kartelistit të IEVP Lushnjë dhe lëshimit të urdhërit të lirimit në mënyrë të kundraligjshme nga Drejtori i IEVP Lushnjë.<br /><br />Arrestimet - Në orët e para të mëngjesit Shërbimi i kontrollit të brendshëm të burgjeve kreu arrestimin në flagrancë të:<br /><br />1. Judmir Shurdhi me detyrë Drejtor i IEVP-Lushnjë, për veprën penale të ?Shpërdorimit të detyrës?.<br /><br />2. Llazar Mino, me detyrë kartelist pranë IEVP Lushnjë.<br /><br />Ata akuzohen se kanë konsumuar elementë të veprës penale të ?Shpërdorimit të Detyrës? parashikuar nga Neni 248 i Kodit Penal dhe ?Falsifikim të dokumenteve? parashikuar nga neni 186 /3 i Kodit Penal. Materialet i janë referuar menjëherë Prokurorisë së Rrethit gjyqësor Elbasan. Gjithashtu është urdhëruar shkarkimi i menjëhershëm i dy punonjësve të përfshirë në këtë ngjarje.<br /><br />Kerkohet revokimi i lirimit<br /><br />Ministrja Gjonaj deklaron se ka kërkuar revokimin e lirimit të Lulzim Cakes dhe shpalljen në kërkim të tij si dhe verifikimin e te gjitha dosjeve te lirimit te te denuarve.<br /><br />Etilda Gjonaj: Nga ana e Drejtorisë së Përgjithshme të Burgjeve është njoftuar menjëherë Prokuroria e Rrethit Gjyqësor Elbasan dhe Policia e Shtetit për revokimin e lirimit të të dënuarit Lulzim Caka dhe shpalljen e tij në kërki...
