Presidenti i vendit, Hashim Thaçi, përmes një shkrese zyrtare dërguar bartësit të koalicionit fitues të zgjedhjeve të fundit, Kadri Veselit, i ka kërkuar edhe zyrtarisht koalicionit PAN që të propozojnë kandidatin e ri për ta mandatuar për formimin e qeverisë së Kosovës.<br /><br />Në këtë letër të Presidentit thuhet se si koalicion fitues që kanë fituar shumicën e nevojshme në Kuvend për të formuar Qeverinë, kanë të drejtën e propozimit të kandidatit të ri për të formuar qeverinë.<br /><br />Nëse ajo përbërje e propozuar e Qeverisë nuk merr shumicën e votave të nevojshme, presidenti brenda dhjetë ditësh emëron kandidatin tjetër sipas së njëjtës procedurë.<br /><br />Nëse as herën e dytë nuk zgjidhet qeveria, atëherë presidenti i shpall zgjedhjet që duhet të mbahen jo më vonë se 40 ditë nga dita e shpalljes së tyre.<br /><br />Menjëherë ka reaguar lëvizja Vetëvendosje po e kundërshton këtë vendim, ndërsa ka paralajmëruar mbledhjen e nënshkrimeve për shpërbërjen e Kuvendit.<br /><br />Ndërsa më herët kryeministri në detyrë Ramush Haradinaj tha se edhe AAK-ja është e interesuar të shpërbëj Kuvendin dhe se do t?i bashkohet mocionit për një gjë të tillë.<br /><br />Edhe LDK-ja gjithmonë është deklaruar se është pro zgjedhjeve të jashtëzakonshme derisa nesër e kanë Kuvendin Zgjedhor ku pritet të zgjedhin liderin e partisë.<br /><br />Tv Klan
