BERAT- Gjykata Administrative e Tiranës ka hedhur poshtë vendimin e Këshillit të Ministrave që parashikonte zgjerimin e zonës së mbrojtur në Parkun Kombëtar të Malit të Tomorrit. Në lidhje me këtë vendim të Gjykatës në Berat është mbajtur një aktivitet sensibilizues për të kundërshtuar atë.<br /><br />Të pranishëm në këtë aktivitet sensibilizues, ka qenë ministri i Turizmit Blendi Klosi, prefektja e qarkut të Beratit si dhe banorë të zonës që me pankarta në duar kundërshtuan vendimin e dhënë nga gjykata për të mos zgjeruar zonën e mbrojtur në Tomorr.<br /><br />Në fjalën e tij Klosi u shpreh se lufta për të mbrojtur pasuritë natyrore është e pa kthyeshme dhe se do t'i shkojnë deri në fund për ta hedhur poshtë vendimin.<br /><br />Në përfundim të pranishmit hodhën edhe firma për të bërë një peticion për të kundërshtuar këtë vendim të Gjykatës Administrative.<br /><br />"Vendimi i gjyqtarëve ishte i papranueshëm. Interesi i disa guroreve ka ndikuar në vendimin e dhënë prej tyre. Nga sot do të nisi mbledhja e firmave të qytetarëve që më pas do t'i çohen komisionit të Vettingut. Nuk do të lejojmë që të preket jeta e qytetarëve. Peticionit do i bashkohet, Skrapari, Poliçani, Berati, Kuçova, Ura Vajgurore. Mijëra firmat e mbledhura do të mbështesin apelimin e këtij vendimi" është shprehur ndër të tjera ministri Klosi.<br /><br />Klosi deklaroi nga Berati se ?do ta rrëzojë vendimin që morën 5 gjyqtarët e Gjykatës Adminiatrative, që votuan 4 pro dhe 1 kundër për rëzimim e VKM-së për Malin e Tomorrit. 4 gjyqtarët; Amarildo Laçi, Bari Shyti, Arkelino Gazidede dhe Fjoralba Shehu do të përballen me peticionin e qytetarëve të të gjithë qarkut të Beratit. Do të vazhdojmë të kërkojmë që të firmoset peticioni jonë dhe do ta ankimojmë vendimin e Administratives në Gjykatën e Lartë?.<br /><br />Ndërsa disa nga banorët janë shprehur se ky vendim është skandaloz dhe se ata nuk e pranojnë.<br /><br />"Do ta apelojmë në Gjykatën e Lartë. Vendimi u mor nën ndikimin e interesave të ngushta të guroreve. Prej vitesh guroret kanë shkatërruar malin dhe jetën tonë. Vendimi shkatërron ekonominë lokale. Dëmtohet rëndë turizmi" kanë qenë disa nga qëndrimet e banorëve.<br /><br />Disa prej banorëve kanë mbajtur edhe pankarta në duar ku shenjestronin vendimin e dhënë nga Gjykatësi duke u thënë se ata do ta pësonin nga Vettingu dhe nga Abaz Aliu.
