DURRES-Dita e sotme ka shënuar një fluks në hyrje në portin e Durrësit, pasi 5 tragete me udhëtarë kanë zbarkuar nga Italia, 4 nga Bari dhe një nga Ankona dhe 2 pritet që të vijnë në mbrëmje.<br /><br /> Deri tani kanë ardhur 5200 udhëtarë dhe 1500 automjete, ndërsa në mbrëmje pritet që të vijnë 2800 udhëtarë të tjerë dhe 700 automjete, pra në total 8000 persona. <br /><br />Report Tv sjell pamjet nga porti i Durrësit ku duket fluksi. Një pjesë e udhëtarëve janë emigrantë të kthyer për pushime në atdhe, por edhe turistë që vizitojnë Shqipërinë.<br /><br />Ndërkohë që thuajse në të gjitha akset rrugore që të çojnë drejt zonave bregdetare ka pasur fluks, pasi qytetarët kanë shkuar në plazh për të kaluar fundjavën.<br /><br />Report Tv sjell pamjet nga Shkodra ku duket fluksi i automjeteve në dalje të qytetit.
