#rtvora<br /><br />Policia ka vënë në pranga autorët e dy ngjarjeve kriminale të ndodhura ditët e fundit në Elbasan dhe në Sarandë ndërsa ka arrestuar në Rinas edhe dy persona në kërkim ndërkombëtar.<br /><br />Burimet zyrtare njoftuan arrestimin e shtetasit Ilirjan Bezhani, 34 vjeç, banues në Elbasan dhe shpalljen në kërkim të 42-vjeçarit Gent Faqja, që rezulton i dënuar më herët.<br /><br />Këta dy persona akuzohen për ngjarjen e ndodhur të premten pranë pallatit të sportit të Elbasanit ku pas një konflikti në lokal për çështje borxhi, mbetën të plagosur tre persona.<br /><br />Sipas policisë, shtetasi Ilirjan Bezhani dyshohet se në bashkëpunim me personin tjetër Gent Faqja pas një konflikti për motive të dobëta kanë qëlluar me armë zjarri pistoletë në ambientet e brendshme të lokalit dhe kanë plagosur shtetasit Astrit Cerriku e Mihal Kocaqi dhe kanë goditur me sende të forta shtetasin Fejzi Ago, të cilët janë jashtë rrezikut për jetën.<br /><br />Ndërkohë Policia e Sarandës njoftoi se ka zbardhur ngjarjen e ndodhur më 2 gusht, ku u dogj me benzinë automjeti i një biznesmeni.<br /><br />Policia ka arrestuar shtetasin Ylli Kola, 25 vjeç, pas hetimeve të kryera në lidhje me djegien e automjetit ?Range Rover? në lagjen nr.4, të qytetit. Policia tha se 25-vjeçari nga Tepelena dyshohet se i ka vënë zjarrin me lëndë djegëse automjetit në pronësi të shtetasit Qirjako Gjini për motive të dobëta. <br /><br />Në një tjetër njoftim policia bëri të ditur arrestimin në Rinas të dy personave të shpallur në kërkim nga autoritetet e drejtësisë në Kosovë dhe në Itali. Policia tha se shtetasi me iniciale A.P, 40 vjeç, u arrestua pasi Gjykata e Venecias, Itali, ka lëshuar urdhër-arresti për kryerjen e veprës penale ?Pjesëmarrje në grup kriminal me qëllim trafikimin ndërkombëtar të lëndëve narkotike?. Gjithashtu në Rinas është bërë arrestimi provizor i shtetasit nga Kosova me iniciale R.Xh., 39 vjeç. <br /><br />Sipas policisë, ky person i shpallur në kërkim ndërkombëtar nga UNMIK, pasi autoritetet gjyqësore kosovare, kanë lëshuar urdhër-arresti për kryerjen e veprës penale ?Mashtrimi".<br /><br />Për më shumë lexoni në: http://www.oranews.tv/article/policia-arreston-autoret-e-disa-ngjarjeve-ne-elbasan-sarande-dhe-rinas<br /><br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz