VLORË- Tre persona kanë mbetur të plagosur gjatë një sulmi me armë zjarri në zonën e plazhit të vjetër në Vlorë, të ndodhur rreth orës 19:45 të pasdites së sotme. Personat që kanë mbetur të plagosur kanë qenë të ulur në një lokal në zonën e plazhit, kur janë qëlluar me armë zjarri nga atentatorët.<br /><br />Gazetari i Report tv Armand Xhelili raporton se të plagosur kanë mbetur Arben Brahimaj pronari i lokalit ku ndodhi ngjarja, djali i tij Brikelo Brahimaj dhe nipi i tij Olsi Beqiri. Dy autorët e identifikuar, me iniciale SH.L dhe E.XH janë konfliktuar fillimisht me fjalë me pronarin e lokalit, ndërsa më pas janë përdorur grushtet nga të dyja palët.<br /><br />Pas konfliktit fizik dy autorët kanë shkuar tek makinat e tyre të parkuara jashtë lokalit nga ku kanë marrë një kallashnikov dhe një pistoletë me të cilat kanë qëlluar drejt Brahimajt, djalit dhe nipit të tij.<br /><br />Një prej plumbave e ka kapur Arben Brahimajn në pjesën e kraharorit duke i shkaktuar atij plagë të rënda. Aktualisht ai ndodhet në sallën e operacionit në spitalin e Vlorës, ndërkohë që dy të plagosurit e tjerë janë jashtë rrezikut për jetën.<br /><br />Ndërsa dy persona të dyshuar si autorë të kësaj ngjarjeje janë larguar në drejtim të Pyllit të Sodës. Burime nga policia bëjnë me dije se po punohet për kapjen e dy autorëve nga policia e Vlorës dhe FNSH-ja e Fierit. <br /><br />Ngjarja e rëndë ka tronditur pushuesit e ndodhur në zonë, të cilët janë larguar më herët se zakonisht në drejtim të banesave të tyre. Ata thonë se kanë vrapuar të shtrihen në rërë për të mos i kapur plumbat
